'పుష్ప‌2' షూటింగ్ మ‌ళ్లీ వాయిదా ప‌డిందా?

దేశం మొత్తం అల్లు అర్జున్ న‌టిస్తున్న‌ `పుష్ప 2` సినిమా రెగ్యుల‌ర్ షూటింగ్ ఎప్పుడెప్పుడు మొద‌ల‌వుతుందా? అని ఆస‌క్తిగా ఎదురుచూస్తోంది. `పుష్ప‌` సంచ‌ల‌న విజ‌యాన్ని సాధించిన నేప‌థ్యంలో `పుష్ప 2` పై భారీ అంచ‌నాలు నెల‌కొన్నాయి. దేశ వ్యాప్తంగా పాన్ ఇండియా మూవీగా రికార్డులు సృష్టించ‌డంతో పార్ట్ 2 ఎప్పుడెప్పుడు ప‌ట్టాలెక్కుతుందా అనే ఆస‌క్తి అంద‌రిలోనూ మొంద‌లైంది. అయితే స్టార్ ప్రొడ్యూస‌ర్ సుకుమార్ మాత్రం పార్ట్ 2ని మ‌రిన్ని ప్ర‌త్యేక‌త‌ల‌తో అత్యంత భారీ స్థాయిలో తెర‌పైకి తీసుకురావాల‌ని ప్లాన్ చేస్తున్నాడు.

ముందు అనుకున్న క‌థ‌లో భారీ మార్పుల‌కు శ్రీ‌కారం చుట్టిన సుకుమార్ ఫైన‌ల్ గా ఇటీవ‌లే పూర్తి స్థాయి స్క్రిప్ట్ ని పూర్తి చేసి ప్రీ ప్రొడ‌క్ష‌న్ వ‌ర్క్ లో బిజీగా వున్నాడు. బ‌డ్జెట్ ద‌గ్గ‌రి నుంచి ఆర్టిస్ట్ ల విష‌యంలోనూ చాలా జాగ్ర‌త్త‌లు తీసుకుంటున్న సుకుమార్ ఈ మూవీని పార్ట్ 1 కి మించి అత్యంత భారీ స్థాయిలో తెర‌పైకి తీసుకురావాల‌ని భారీ స్థాయిలో క‌స‌ర‌త్తులు చేస్తున్నాడు. కొన్ని నెల‌ల క్రితం లాంఛ‌నంగా పూజా కార్య‌క్ర‌మాలు పూర్తి చేసిన సుకుమార్ ఈ మూవీ రెగ్యుల‌ర్ షూటింగ్ ని త్వ‌ర‌లోనే ప్రారంభించ‌బోతున్నాడ‌ని వార్త‌లు వినిపిస్తున్నాయి.

దీపావ‌ళి త‌రువాత సినిమా రెగ్యుల‌ర్ షూటింగ్ మొద‌ల‌వుతుంద‌ని ప్ర‌చారం జ‌రిగింది. కానీ అది జ‌ర‌గ‌లేదు. తాజాగా ఈ మూవీని న‌వంబ‌ర్ లో ప్రారంభించ‌బోతున్నాడ‌ని, ఇందు కోసం ప్ర‌త్యేక డేట్ ని కూడా మేక‌ర్స్ లాక్ చేశార‌ని తెలుస్తోంది. గ‌త కొన్ని నెల‌లుగా వ‌రుస‌గా రెగ్యుల‌ర్ షూటింగ్ వాయిదా ప‌డుతూ వ‌స్తున్న ఈ మూవీ షూటింగ్ మ‌రోసారి వాయిదా ప‌డ‌టంతో ఫ్యాన్స్ ఫీల‌వుతున్నార‌ట. అయితే ఈ మూవీ రెగ్యుల‌ర్ షూటింగ్ ని న‌వంబ‌ర్ 7న మొద‌లు పెట్టాల‌ని సుకుమార్ తో పాటు మేక‌ర్స్ నిర్ణ‌యించార‌ని వార్త‌లు వినిపిస్తున్నాయి.

హైద‌రాబాద్ లో ప్రారంభం కానున్న ఈ షెడ్యూల్ లో అల్లు అర్జున్ పాల్గొన‌గా కీల‌క ఘ‌ట్టాల‌ని చిత్రీక‌రించాల‌ని ద‌ర్శ‌కుడు సుకుమార్ ప్లాన్ చేస్తున్నార‌ట‌. త్వ‌ర‌లోనే రెగ్యుల‌ర్ షూటింగ్ కి సంబంధించిన అధికారిక ప్ర‌క‌ట‌న మేక‌ర్స్ నుంచి రానుంద‌ని తెలుస్తోంది. అంతే కాకుండా ఈ మూవీలో న‌టించే కీల‌క న‌టీన‌టులకు సంబంధించిన పూర్తి వివ‌రాల‌ని కూడా త్వ‌ర‌లో వెల్ల‌డించే అవ‌కాశం వుంద‌ని చెబుతున్నారు. మారుతున్న స‌మీక‌ర‌ణాల దృష్ట్యా ఈ మూవీలోని కీల‌క పాత్ర‌ల్లో కొత్త వారిని, అలాగే క్రేజ్ వున్న న‌టుల్ని తీసుకోబోతున్నారంటూ గ‌త కొన్ని రోజులుగా వార్త‌లు వినిపిస్తున్న విష‌యం తెలిసిందే.

అంతే కాకుండా హైద‌రాబాద్ షెడ్యూల్ త‌రువాత చిత్ర బృందం కీల‌క ఘ‌ట్టాల చిత్రీక‌ర‌ణ కోసం బ్యాంకాక్ వెళ్ల‌నుంద‌ని, అక్క‌డ రెండు నెల‌ల పాటు సుధీర్ఘ షెడ్యూల్ లో ప‌లు కీల‌క ఘ‌ట్టాల‌ని చిత్రీక‌రించ‌నుంద‌ని వార్త‌లు వినిపిస్తున్న విష‌యం తెలిసిందే. అంతే కాకుండా ఈ షెడ్యూల్ లో అల్లు అర్జున్ పాల్గొన‌గా పులి ఫైట్ ని భారీ స్థాయిలో రూపొందించే అవ‌కాశం కూడా వుంద‌ని తెలుస్తోంది. దేవిశ్రీ‌ప్ర‌సాద్ సంగీతం అందిస్తున్న ఈ మూవీలో బ‌న్నీకి జోడీగా ర‌ష్మిక మంద‌న్న న‌టిస్తోంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.