ఈ మల్టీ స్టారర్ అయ్యేనా శ్రీకాంతూ

ఒకప్పుడు చక్కని కుటుంబ కథా చిత్రాలకు కేరాఫ్ అడ్రెస్ గా నిలిచిన టాలెంటెడ్ డైరెక్టర్ శ్రీకాంత్ అడ్డాల బ్రహ్మోత్సవం దెబ్బకు రెండేళ్ళు ఎవరికి కనిపించకుండా మాయమైపోయాడు, డిజాస్టర్లు ఎవరికైనా ఇండస్ట్రీలో కామనే. అయితే దీని విషయంలో వచ్చిన విమర్శలు మహేష్ కెరీర్ లో ఇంకే సినిమాకు రాని కారణంగా అందరి వేళ్ళు శ్రీకాంత్ తప్పునే ఎత్తి చూపాయి. సరే గతం గతః అనుకుని శ్రీకాంత్ అడ్డాల మళ్ళి వెలుగులోకి వచ్చాడు. అయితే షాక్ ఇచ్చే న్యూస్ తో అందరికి ట్విస్ట్ ఇస్తున్నాడు.

అందులో మొదటిది కమల్ హాసన్ వెంకటేష్ ల మల్టీ స్టారర్. ఈ ఇద్దరి కోసం ఓ కథ రెడీ చేసానని త్వరలోనే ఉంటుందని ప్రకటించాడు. అయితే ఇది శ్రీకాంత్ మనసులో ఉందేమో కాని ప్రాక్టికల్ గా చూస్తే దీనికి ఛాన్స్ లేదు. కారణాలు చాలా స్పష్టం. ఎఫ్2 ఇచ్చిన సక్సెస్ కిక్ వల్ల కాదు కాని వెంకీ దీని కన్నా ముందు ముగ్గురికి కమిట్మెంట్ ఇచ్చాడు. బాబీ-త్రినాధరావు నక్కిన-త్రివిక్రమ్ ఈ జాబితాలో ముందున్నారు. మరోపక్క కమల్ హాసన్ నిన్నటి నుంచి శంకర్ ఇండియన్ 2 కోసం ఓ ఏడాదిన్నర కాల్ షీట్స్ ని బ్లాక్ చేసుకున్నాడు. శభాష్ నాయుడుని బయటికి తీసుకువచ్చే ప్రయత్నాలు కూడా జరుగుతున్నాయి. సో కమల్ కు కథ నచ్చినా నచ్చకపోయినా చేసే అవకాశాలు దాదాపు లేవు.

మరి కమల్ వెంకీల మల్టీ స్టారర్ అని శ్రీకాంత్ అడ్డాల ఎందుకు అన్నట్టు. కమల్ వెంకీలు గతంలో ఈనాడు అనే సినిమాలో నటించారు కాని అందులో ఫేస్ టు ఫేస్ సీన్లు ఉండవు. కేవలం ఫోన్లో మాట్లాడుకుంటారు. ఇప్పుడీ ప్రతిపాదన వినడానికి బాగుంది కాని శ్రీకాంత్ కు ఆ ఇద్దరూ అంత ఈజీగా గ్రీన్ సిగ్నల్ ఇచ్చే పరిస్థితిలో లేరు. ఇది కాకుండా గీత ఆర్ట్స్ కోసం కూచిపూడి వారి వీధి అనే మరో స్క్రిప్ట్ కూడా రెడీ చేసి పెట్టాడట. అయితే హీరో ఎవరు అని మాత్రం చెప్పలేదు.