దుర్మార్గుల భ‌ర‌తం ప‌ట్టే ఆది ప‌రాశ‌క్తి క‌థ‌

వ‌రుస ప్ర‌యోగాల‌తో తాప్సీ ప‌న్ను బాలీవుడ్ లో హాటెస్ట్ పెర్ఫామ‌ర్ గా వెలుగులు విర‌జ‌మ్ముతున్న సంగ‌తి తెలిసిందే. పింక్- నామ్ ష‌బానా- మ‌న్మార్జియాన్- బేబి .. ఇలా అన్నీ ప్ర‌యోగాలే. ఒక‌దానితో ఒక‌టి సంబంధం లేని క‌థ‌ల్ని ఎంచుకుని న‌టిగా త‌న‌ని తాను ఎలివేట్ చేసుకుంది. స్త్రీ ధీర‌త్వం అనే కాన్సెప్ట్ తాప్సీ ఇమేజ్ ని పెంచింది. ఇప్పుడు మ‌రోసారి అలాంటి మ‌రో ప్ర‌యోగానికి శ్రీ‌కారం చుట్టింది.

తాప్సీ న‌టిస్తున్న తాజా చిత్రం టైటిల్ `హసీన్ దిల్‌రూబా`. లేటెస్టుగా ఫస్ట్ లుక్ పోస్టర్ రిలీజైంది. పోస్ట‌ర్ ఆద్యంతం ఉత్కంఠ పెంచుతోంది. చీర‌క‌ట్టిన ప‌డ‌తి.. చేతికి ఎర్ర‌ని గాజులు.. అక్క‌డ‌ ఏదో జ‌రిగింది... నేల‌పై ర‌క్తం.. ఆ ర‌క్తంలో త‌డిసిన పాదం.. బ్ల‌డ్ లో పాదం నీడ‌.. ప్ర‌తిబింబం.. ఆ ప‌క్క‌నే ర‌క్తంలో త‌డిసిముద్ద‌యిన బాకు (క‌త్తి) చూస్తుంటే వామ్మోవ్!! అన‌కుండా ఉండ‌లేం. ఆడ‌ది అబ‌ల కాదు.. ఆది ప‌రాశ‌క్తి! అనే కాన్సెప్టును ఎంచుకునే ఈ సినిమాని తీస్తున్నారా? అన్న ఉత్కంఠ‌ను పెంచింది.

తాప్సీ పన్ను- విక్రాంత్ మాస్సే న‌టీన‌టులుగా తెర‌కెక్కుతున్న చిత్ర‌మిది. వినీల్ మాథ్యూ దర్శకత్వం వహిస్తున్నారు. ఆనంద్ ఎల్ రాయ్ నిర్మిస్తున్నారు. మ‌ర్డ‌ర్ థ్రిల్ల‌ర్ బ్యాక్ డ్రాప్ లో తెర‌కెక్కుతోంది. ఇందులో లేడీ ఓరియెంటెడ్ యాంగిల్ స్ప‌ష్టంగా క‌నిపిస్తోంది. ``నేను చెడ్డ‌దాన్ని కావొచ్చు.. కానీ ఆ విష‌యంలో క‌చ్ఛితంగా ఉంటాను. ఆమెను క‌ల‌వ‌కుండా ఉండ‌లేరు గ‌య్స్!! 18 సెప్టెంబర్ 2020న‌ థియేటర్లలో కలవడానికి వేచి ఉండండి`` అంటూ ఇన్ స్టాలో అభిమానుల్ని కోరింది తాప్సీ.