అవకాశాల కోసమే అమ్మడు ఇలా చేస్తుందా..?

అనుకోకుండా ఓ సినిమా పెద్ద హిట్టవడం.. అందులో నటించిన హీరో హీరోయిన్ల ఒకరోజు లోనే స్టార్స్ అయిపోవడం.. తెల్లారితే వరుసగా అవకాశాలు రావడం ఇలా అన్నీ టకటకా అయిపోతుంటాయి. ఇక వచ్చిన అవకాశాలను, కథలను సరిగ్గా ఎంపిక చేసుకోలేక.. వచ్చిన ప్రతీ అవకాశాన్నీ చేజిక్కించుకుని కెరీర్ పాడు చేసుకుంటారు. ఓ రకంగా ఎంత త్వరగా ఎదుగుతారో.. సరైన కథల విషయంలో అవగాహన లేక అంతే వేగంగా కిందికి పడిపోతారు. ఇవన్నీ ఇండస్ట్రీలో మాములే.. ప్రస్తుతం హీరోయిన్ హెబ్బా పటేల్ పరిస్థితి కూడా అంతే. ఇండస్ట్రీలోకి 'అలా ఎలా' సినిమాతో అడుగుపెట్టింది హెబ్బా పటేల్. ఆ తర్వాత రాజ్ తరుణ్ హీరోగా వచ్చిన కుమారి 21ఎఫ్ విజయంతో వరుస ఆఫర్లు అమ్మడి తలుపు తట్టాయి. అలాగే సక్సెస్ లు కూడా అమ్మడి ఖాతాలో పడ్డాయి. కానీ అగ్ర హీరోల సరసన నటించే ఛాన్స్ మాత్రం అమ్మడికి రాకపోయేసరికి.. స్టార్ హీరోయిన్ స్టేటస్ పొందలేకపోయింది.

అయితే కొంత కాలంగా చేసిన సినిమాలన్నీ ఫ్లాప్ అవడంతో హెబ్బాకు అవకాశాలు పూర్తిగా తగ్గిపోయాయి. దాంతో ఏకంగా అమ్మడు ఐటెం సాంగ్స్ లో ఆడిపాడటానికి కూడా రెడీ అయ్యింది హెబ్బా. దీంతో చేసేదేం లేక ఐటెం సాంగ్స్ , గెస్ట్ రోల్స్ చేస్తూ వస్తుంది. ఇటివలే ‘భీష్మ’లో రెండు సన్నివేశాలతో గెస్ట్ రోల్ చేసింది. ఇక రాజ్ తరుణ్ సినిమా ‘ఒరేయ్ బుజ్జిగా’లో కూడా గెస్ట్ రోల్ లాంటి క్యారెక్టర్ ప్లే చేసింది. తాజాగా అమ్మడు సోషల్ మీడియాలో ఓ సెల్ఫీ పిక్ షేర్ చేసింది. ఆ ఫొటోలో బొద్దుగా ఉండే హెబ్బా కాస్త సన్నబడినట్లు కన్పిస్తుంది. అవకాశాలు తగ్గడంతో ఈ భామ సన్నబడి అవకాశాలు దక్కించుకోవాలని చూస్తున్నట్లు తెలుస్తుంది. ఫోటోకి కెబాబ్స్ నుండి అబ్స్ వరకు మూవ్ అవ్వడం హార్డ్.. అంటూ ట్యాగ్ లైన్ పెట్టింది. రామ్ నటిస్తున్న ‘రెడ్’ సినిమాలో హెబ్బా ఓ ఐటెం సాంగ్ చేసింది. అందాల విందుతో ఆకట్టుకునేలా సాంగ్ లో చిందేసిందట. అయితే సినిమాల్లో అవకాశాలు లేకపోయినా వెబ్ సిరీసుల్లో అవకాశాలు బాగానే వస్తున్నాయి. ఇటీవలే అమ్మడు నెట్ ఫ్లిక్స్ అడల్ట్ వెబ్ సిరీస్ లలో ఛాన్స్ కొట్టేసిందట.