బెల్లీ డ్యాన్సర్ గా కుమారి చిందులు

అలా ఎలా.. అని అడుగుతూ టాలీవుడ్ అరంగేట్రం చేసిన హేభా పటేల్.. కుమారి 21ఎఫ్ లో చేసిన బోల్డ్ రోల్ తో సూపర్ హిట్ కొట్టేసింది. ఆ తర్వాత ఆడో రకం ఈడో రకం అంటూ మరో హిట్ సాధించి.. వరుసగా రెండు సక్సెస్ లు అందుకుంది. ఇప్పుడు జోరు మీదున్న నిఖిల్ తో కూడా హిట్ పట్టేసి.. హ్యాట్రిక్ కొట్టేయాలని చూస్తోంది హేభా.

విఐ ఆనంద్ డైరెక్షన్ లో నిఖిల్ చేస్తున్న మూవీ 'ఎక్కడికి పోతావు చిన్నవాడా'. థ్రిల్లర్ కాన్సెప్ట్ తో తెరకెక్కుతుండగా.. ఈ మూవీలో హీరోయిన్ హేభా పటేల్.. ఓ బెల్లీ డ్యాన్సర్ రోల్ చేస్తోంది. ఈ మూవీలో తనకు ఈ డ్యాన్సర్ రోల్ ఆఫర్ రాగానే.. చాలా ఎగ్జయిట్ అయిందట హేభ. ఈ రోల్ ని పర్ఫెక్ట్ గా పోషించేందుకు గాను.. స్పెషల్ గా ట్రైనింగ్ కూడా తీసుకుందని సన్నిహితులు చెబుతున్నారు. ఆ డ్యాన్సర్ల బాడీ లాంగ్వేజ్ ను కూడా బాగానే బట్టీ పట్టేసిందట. కంటిన్యూగా డ్యాన్స్ ప్రాక్టీసులు చేయడంతో.. ఇప్పుడీ కుమారి మరింత ఫిట్ గా మారిపోయిందని అంటున్నారు.

లుక్ విషయంలో కూడా హేభ బాగా ఇంప్రూవ్ అయిందనే కామెంట్స్ వినిపిస్తున్నాయి. మొత్తానికి నిఖిల్ మూవీలో కొత్త కుమారిని చూడ్డం ఖాయమే అనే టాక్ ఉంది. అటు డ్యాన్స్.. ఇటు పెర్ఫామెన్స్ రెండింటిలోనూ హేభా పటేల్ ఇరగదీసేస్తోందని టాక్‌.