హెబ్బా పటేల్ ‘డఫ్ అండ్ డమ్’

కుమారి 21ఎఫ్, ఎక్కడికి పోతావు చిన్నవాడా? వంటి చిత్రాలతో యూత్ లో ఫుల్ క్రేజ్ సంపాదించింది గ్లామరస్ బ్యూటీ హెబ్బా పటేల్. కానీ.. ఆశించిన స్థాయిలో భారీ విజయాలు దక్కలేదు హెబ్బాకు. పెద్ద హీరోల సరసన కూడా సరైన ఛాన్సులు రాలేదు. ఈ అమ్మడు సినిమా బాక్సాఫీస్ వద్ద హిట్ సాధించి చాలాకాలమైంది. అయితే.. ఇలాంటి స్ట్రగుల్ కండిషన్లోనూ ఆఫర్లు వస్తుండడం విశేషం. లేటెస్ట్ అప్‌డేట్ ప్రకారం.. ఒక లేడీ ఓరియెంటెడ్ మూవీలో నటించడానికి గ్రీన్ సిగ్నల్ ఇచ్చిందట ఈ బ్యూటీ. ఇటీవలే సైన్ కూడా చేసిందని సమాచారం.

అయితే.. ఇప్పటి వరకూ నటించిన గ్లామరస్ రోల్స్ కు భిన్నంగా ఈ చిత్రంలో హెబ్బా కనిపించనుందట. ఈ సినిమాలో చెవిటి మరియు మూగ మహిళ పాత్రలో హెబ్బా నటిస్తుందని చిత్ర వర్గాలు తెలిపాయి. ఈ కథ విన్న తర్వాత ఇదొక చాలెంజింగ్ రోల్ అని భావించిన హెబ్బా.. వెంటనే ఈ ప్రాజెక్ట్ కు ఓకే చెప్పేసిందట.

ఈ చిత్రం రెగ్యులర్ షూటింగ్ త్వరలో ప్రారంభమవుతుందని, ఇందుకు సంబంధించిన అధికారిక ప్రకటన కొద్ది రోజుల్లోనే వెలువడుతుందని వినికిడి. ఈ చిత్రాన్ని ఎంచుకోవడం ద్వారా.. గ్లామర్ క్వీన్ రోల్స్ నుంచి నటనకు ప్రాధాన్యం ఉన్న పాత్రల వైపు హెబ్బా మళ్లుతోందని తెలుస్తోంది. ఈ చిత్రాన్ని కొత్త నిర్మాత విశ్వ నిర్మించబోతున్నారు. గతంలో వీవీ వినాయక్‌కు అసోసియేట్‌గా పనిచేసిన ఆయన.. ఈ మూవీతో నిర్మాతగా మారుతున్నారు. కాగా.. త్వరలో రిలీజ్ కాబోతున్న ‘ఒడెలా రైల్వే స్టేషన్’‌ చిత్రంలో మాత్రం గ్లామర్ క్వీన్ గానే కనిపించబోతోంది హెబ్బా.