అందుకే మధ్యలో లేచి వచ్చా: హెబ్బా పటేల్

త్వరలో రిలీజ్ కానున్న '24 కిస్సెస్' చిత్రం బోల్డ్ కంటెంట్ తో ఇప్పుడు హాట్ టాపిక్ గా మారింది. టైటిల్ లోనే 24 కిస్సులుండడంతో వారు ప్రమోషన్ కోసం ఏ ఛానల్ కు వెళ్ళినా.. వెబ్ మీడియా ఇంటర్వ్యూ ఇచ్చినా ముద్దుల పురాణమే. రీసెంట్ ఒక పాపులర్ ఛానెల్ డిబేట్ నుండి హీరోయిన్ హెబ్బా పటేల్ వాకౌట్ చేసిన సంగతి తెలిసిందే. ఆ ఛానల్ కూడా ఆ వాకౌట్ ఎపిసోడ్ ను భారీగా ప్రమోట్ చేసింది.

కొంతమంది ఈ తతంగాన్ని పబ్లిసిటీ స్టంట్ అని కొట్టిపారేస్తున్నారు. ఇదిలా ఉంటే రీసెంట్ గా హెబ్బా మరో ఇంటర్వ్యూ లో వాకౌట్ ఎపిసోడ్ గురించి మాట్లాడింది. అందులో తన తప్పేమీ లేదని ఆడియో లాంచ్ ఈవెంట్ కు హాజరు కావడానికి ఆలస్యం అవుతుండడంతో అలా ప్రోగ్రామ్ మధ్యనుండి లేచి వెళ్ళాల్సి వచ్చిందని తెలిపింది. తను త్వరగా వెళ్ళవలసి ఉంటుందని సదరు ఛానల్ వారికి ముందే చెప్పి వారి అనుమతి తీసుకున్నానంది.

కుమారి చెప్పే లాజిక్ ఇంట్రెస్టింగ్ గానే ఉందిగానీ.. అదే టీవీ కార్యక్రమంలో '24 కిస్సెస్' టీమ్ లోని ముఖ్యమైన సభ్యులు కూడా ఉన్నారు. వారికి కాని లేటు 'కుమారి' కి మాత్రమే ఎందుకు అవుతుందో మాత్రం చెప్పలేదు. ఏదేమైనా ఈ 24 కిస్సులు.. కాంట్రవర్సీలన్నీ పబ్లిసిటీకి బాగానే ఉపయోగ పడుతున్నాయి. మరి ఇవన్నీ బాక్స్ ఆఫీస్ దగ్గర కాసులు రాలుస్తాయా లేదా అనేది వేచి చూడాలి.