హ్యాట్రిక్ బేబి.. లక్కు కంటిన్యూ అవుద్దా?

హెబ్బా పటేల్ కి ఇప్పుడు టాలీవుడ్ లో ఫుల్లు డిమాండ్ ఉండడంలో ఏ మాత్రం ఆశ్చర్యం లేదు. కుమారి 21ఎఫ్.. ఈడోరకం ఆడో రకం.. ఎక్కడికి పోతావు చిన్నవాడా చిత్రాలతో హ్యాట్రిక్ కొట్టిన ఈ బ్యూటీని.. ఇప్పటికే గోల్డెన్ లెగ్ అనేస్తున్నారు టాలీవుడ్ జనాలు. ఎక్కడికిపోతావు చిన్నవాడా తర్వాత ఏకంగా తన రెమ్యూనరేషన్ డబుల్ చేసేసినా.. డిమాండ్ ఏ మాత్రం తగ్గలేదు.

హెబ్బా నటించిన 'నాన్న నేను నా బాయ్ ఫ్రెండ్స్' ఇవాళ థియేటర్లలోకి వచ్చింది. ఈ మూవీలో ముగ్గురు హీరోలు ఉన్నా.. రాజ్ తరుణ్ గెస్ట్ రోల్ చేశాడనే టాక్ ఉన్నా.. సినిమాకి కీలకం హెబ్బా పటేల్. లేడీ ఓరియెంటెడ్ మూవీ కాకపోయినా.. దాదాపు ఈ చిత్ర బాధ్యతంతా హెబ్బానే మోయాల్సి ఉంటుంది. తేజస్వి మదివాడ కూడా తన వంతుగా గ్లామర్ సైడ్ హెల్ప్ చేసింది.

దిల్ రాజు అసోసియేషన్ కారణంగా ఈ మూవీ వాల్యూ బాగా పెరిగింది. లో బడ్జెట్ చిత్రం అయినా.. ఎక్స్ పెక్టేషన్స్ మాత్రం హై రేంజ్ లోకి చేరడానికి దిల్ రాజు రిలీజ్ చేయడం ఉపయోగపడింది. నాన్న.. బాయ్ ఫ్రెండ్స్ తో కలిసి హెబ్బా హిట్ కొట్టిందంటే మాత్రం.. టాలీవుడ్ మేకర్స్ లో ఆమె క్రేజ్ ఇంకా ఇంకా పెరిగిపోవడం ఖాయం. ప్రస్తుతం వరుణ్ తేజ్ సరసన మిస్టర్ లో కూడా ఈ చిన్నది నటించేస్తోంది.

Like Us on Facebook : https://www.facebook.com/Tupakidotcom/