హెబ్బాకి మ‌రో మెగా ఆఫ‌ర్‌

మెగా హీరో వ‌రుణ్‌ తేజ్‌ తో జోడీ క‌ట్టింది హెబ్బా ప‌టేల్‌. మిస్ట‌ర్ కోసం ఆమెని ఏరికోరి ఎంపిక చేసుకొన్నాడు శ్రీనువైట్ల‌. అయితే మ‌ధ్య‌లో ఆమెని సినిమా నుంచి త‌ప్పించార‌ని ప్ర‌చారం సాగింది. కానీ అదంతా అబద్ధ‌మే అంటూ షూటింగ్ కోసం వ‌రుణ్‌ తేజ్‌ తో పాటు స్పెయిన్ ఫ్లైటెక్కేసింది. అయితే ఇప్పుడు ఆమెకి మ‌రో మెగా ఆఫ‌ర్ ల‌భించిన‌ట్టు స‌మాచారం. మెగా కాంపౌండ్‌ లో ఆమె ఒక్క సినిమా కూడా చేయ‌డం లేద‌నుకొన్న‌లోపే రెండో ఆఫ‌ర్ కూడా ద‌క్కించుకోవ‌డం విశేష‌మే.

ఇంత‌కీ ఆ రెండో ఆఫ‌ర్ ఏంటంటారా? సాయిధ‌ర‌మ్ తేజ్ హీరోగా గోపీచంద్ మ‌లినేని ద‌ర్శ‌క‌త్వంలో తెర‌కెక్కుతున్న సినిమాలో ఆఫర్‌. మొద‌ట ఇందులో హీరోయిన్‌ గా ర‌కుల్‌ ని ఎంపిక చేసుకొన్న విష‌యం తెలిసిందే. అయితే ఆమెకి మ‌హేష్‌ తో క‌లిసి న‌టించే అవ‌కాశం రావ‌డంతో సాయిధ‌ర‌మ్ తేజ్ అండ్ టీమ్‌ కి సారీ చెప్పి వెళ్లిపోయేందుకు సిద్ధ‌మైంద‌ట‌. అందుకే ఇప్పుడు ప్ర‌త్యామ్నాయంగా మ‌రో హీరోయిన్‌ ని ఎంపిక చేసుకొనే ప‌నిలో ప‌డింది ఆ చిత్ర‌బృందం. ఇటీవ‌ల హెబ్బా ప‌టేల్‌ కి ఆ అవ‌కాశాన్ని క‌ట్ట‌బెట్టిన‌ట్టు స‌మాచారం. ఆ విషయాన్ని చిత్ర‌బృందం అధికారికంగా ప్ర‌క‌టించాల్సి వుంది. ఇదేగ‌న‌క నిజ‌మైతే హెబ్బాపై మెగా హీరోయిన్ అనే ముద్ర ప‌డిపోవ‌డం ఖాయం. అదే జ‌రిగితే హెబ్బా అంత అదృష్ట‌వంతురాలు మ‌రొక‌రు ఉండర‌నుకోవాలి!!