డ‌బ్బులిస్తే లిప్ లాక్స్ ఓకే....హెబ్బా!

`కుమారి 21 ఎఫ్ `తో టాలీవుడ్ లో తెరంగేట్రం చేసిన హెబ్బా ప‌టేల్ కు ....ఆ త‌ర్వాత చెప్పుకోద‌గ్గ గుర్తింపు రాలేదు. ప్ర‌స్తుతం `24 కిస్సెస్ `మూవీలో విల‌క్ష‌ణ పాత్ర‌లో న‌టించిన హెబ్బా....త్వ‌ర‌లో మ‌రో బోల్డ్ పాత్ర‌తో ప్రేక్ష‌కుల ముందుకు రాబోతోంది. ఈ చిత్ర ప్ర‌మోష‌న్ ఈవెంట్లో పాల్గొన్న హెబ్బా ఆ 24 ముద్దుల పై షాకింగ్ కామెంట్స్ చేసింది. ఇప్పటి వరకు చేసిన పాత్రలకు పూర్తి భిన్న‌మైన పాత్ర‌లో న‌టించాన‌ని, ఈ చిత్రంలో త‌న‌ది చాలా సింపుల్ అండ్ బోల్డ్ క్యారెక్ట‌ర్ అని చెప్పింది. ఈ సినిమాతో తాను నటిగా పరిణితి చెందానని అనుకుంటున్నాన‌ని చెప్పింది. డ‌బ్బులు తీసుకుంటే ముద్దులు పెట్టించుకోవ‌డం కూడా బాగానే ఉంటుందంటూ షాకింగ్ కామెంట్స్ చేసింది.

తాను ఇప్ప‌టివ‌ర‌కు చేసిన సినిమాల్లో పెర్ఫార్మెన్స్ పై న‌మ్మ‌కం ఉండేది కాద‌ని, కానీ, ఈ సినిమాలో త‌న న‌ట‌న‌పై సంతృప్తిగా ఉన్నానని చెప్పింది. ఇలాంటి మంచి టీంతో కలిసి పని చేయడం త‌న‌ అదృష్టమ‌ని చెప్పింది. తాను గుడ్ కిస్సరా? కాదా? అని చాలామంది అడుగుతున్నార‌ని హీరో అదిత్ అడిగిన ప్ర‌శ్న‌కు హెబ్బా షాకింగ్ ఆన్స‌ర్ ఇచ్చింది. ``వెన్ యూ పెయిడ్ ఎనీథింగ్ ఈజ్ గుడ్ (డబ్బులు తీసుకుంటే ఏదైనా బాగానే ఉంటుంది)``... అంటూ హెబ్బా పంచ్ డైలాగ్ కొట్టింది. మ‌రి, ఈ 24 ముద్దులు హెబ్బాకు మ‌రిన్ని ఆఫ‌ర్లు తీసుకువ‌స్తాయో లేదో వేచి చూడాలి. సిల్లీమొంక్స్ ఎంటర్ టైన్ మెంట్స్ - రెస్పెక్ట్ క్రియేషన్స్ బ్యానర్స్ నిర్మాణంలో మిణుగురులు ద‌ర్శ‌కుడు అయోధ్య కుమార్ '24 కిస్సెస్' సినిమాను తెర‌కెక్కించారు.