'బోల్డ్ వెబ్ సిరీస్'కి రెడీ అయిన కుమారి!

తెలుగు తెర పై 'అలా ఎలా' సినిమాతో అడుగుపెట్టింది హెబ్బా పటేల్. ఆ తర్వాత రాజ్ తరుణ్ హీరోగా వచ్చిన కుమారి 21ఎఫ్ త వరుస అవకాశాలు అమ్మడి తలుపు తట్టాయి. అలాగే సక్సెస్ లు కూడా అమ్మడి ఖాతాలో పడ్డాయి. కానీ అగ్ర హీరోల సరసన నటించే ఛాన్స్ మాత్రం అమ్మడికి రాకపోయేసరికి..స్టార్ హీరోయిన్ స్టేటస్ తెచ్చుకోలేకపోయింది. అయితే ఈ మధ్య చేసిన సినిమాలన్నీ ఫ్లాప్ అవడంతో ఆమెకి అవకాశాలు తగ్గాయి. దాంతో ఐటెం సాంగ్స్ లో ఆడిపాడటానికి కూడా రెడీ అయ్యింది హెబ్బా. దీంతో చేసేదేం లేక ఐటెం సాంగ్స్ , గెస్ట్ రోల్స్ చేస్తూ వస్తుంది. ఇటివలే ‘భీష్మ’లో హెబ్బా రెండు సన్నివేశాలతో గెస్ట్ రోల్ చేసింది. ఇక రాజ్ తరుణ్ అప్ కమింగ్ సినిమా ‘ఒరేయ్ బుజ్జిగా’ లో కూడా గెస్ట్ రోల్ లాంటి క్యారెక్టర్ ప్లే చేసింది.

ఈ సినిమా రిలీజ్ కావాల్సి ఉంది. అలాగే రామ్ నటిస్తున్న ‘రెడ్’ సినిమాలో హెబ్బా ఓ ఐటెం సాంగ్ చేసింది. అందాల విందుతో ఆకట్టుకునేలా సాంగ్ లో చిందేసిందట. అయితే సినిమాల్లో అవకాశాలు లేకపోయినా వెబ్ సిరీసుల్లో అవకాశాలు బాగానే వస్తున్నాయి. ఆహా యాప్ లోని మస్తీస్ అనే వెబ్ సిరీస్ లో నటించిన అమ్మడు.. అదే యాప్ కోసం మరో రెండు వెబ్ సిరీసుల్లో నటిస్తుందని సమాచారం. నెట్ ఫ్లిక్స్ సంస్థ తీయబోయే ఆ రెండు వెబ్ సిరీస్‌లు అడల్ట్ రేటెడ్ స్టయిల్లో ఉంటాయని.. హెబ్బా బోల్డ్ క్యారెక్టర్లు చేయబోతోందని అంటున్నారు. ఆల్రెడీ సినిమాల్లో ఎంత రొమాన్స్ చేయడానికైనా రెడీ అన్నట్లుగా ఉంది హెబ్బా వ్యవహారం. మరి ఈ వెబ్ సిరీస్ తో అయినా హెబ్బా పటేల్ మళ్ళీ క్రేజ్, సినిమా ఛాన్సులను అందుకుంటుందేమో చూడాలి.