సుక్కు ఛాన్సిచ్చాడు.. రెచ్చిపోయినట్లుంది

‘అలా ఎలా’ విడుదలకు ముందు వరకు అందులో హెబ్బా పటేల్ అనే అమ్మాయి ఒకరున్నారని ఎవ్వరికీ తెలియదు. ఆ సినిమా పోస్టర్ల నిండా సెకండ్ హీరోయినే కనిపించింది. కానీ సినిమాలో లీడ్ రోల్ చేసింది.. మంచి పేరు సంపాదించింది హెబ్బానే. తొలి సినిమాలో చాలా పద్ధతిగా కనిపించి.. ట్రెడిషనల్ హీరోయిన్ అన్న ముద్ర వేసుకుంది హెబ్బా. కానీ ఇప్పుడు ‘కుమారి 21 ఎఫ్’ ట్రైలర్ చూస్తే తెలుస్తున్నాయి అమ్మాయిలోని కొత్త యాంగిల్స్. సుకుమార్ లాంటి పెద్ద డైరెక్టర్ నిర్మిస్తున్న సినిమా కదే. అందుకే ఈ అవకాశాన్ని వంద శాతం సద్వినియోగం చేసుకోవడానికి చేయాల్సిందల్లా చేసినట్లే ఉంది హెబ్బా.

ట్రైలర్ లో పిచ్చ హాట్ గా కనిపించి కుర్రాళ్ల మతులు పోగొట్టింది హెబ్బా. సినిమాలో లిప్ లాక్ లాక్స్ - ఇంటిమేట్ సీన్స్ ఓ రేంజిలో ఉన్నాయని ట్రైలర్ హింట్ ఇచ్చింది. హెబ్బా కూడా దేనికీ అభ్యంతరం చెప్పకుండా సెక్సీగా కనిపించడానికి ఓకే అనేసినట్లుంది. ట్రైలర్ తోనే సెగలు పుట్టించేసిన హెబ్బా.. సినిమాలో మరింతగా రెచ్చిపోయి ఉంటుందనడంలో సందేహం లేదు. సుకుమార్ మామూలుగానే యూత్ ఆడియన్స్ కి ఫేవరెట్ డైరెక్టర్. సుక్కు డైరెక్ట్ చేసిన సినిమాల కంటే కూడా అతను కథ - స్క్రీన్ ప్లే అందించిన ‘కుమారి 21 ఎఫ్’ సినిమా మరింత యూత్ ఫుల్ ఉండబోతోందని అర్థమవుతోంది. కాబట్టి ఈ సినిమాతో హెబ్బ కుర్రాళ్ల కలల రాణిగా మారిపోయే అవకాశాలు మెండుగానే ఉన్నాయి.