తారక్ సినిమాలో కుమారి?

సరికొత్త లుక్ తో స్టైలిష్ గా అలరిస్తున్న జూనియర్ ఎన్.టి.ఆర్ ఈరోజు స్పెయిన్ లో ఒక ఇంగ్లీష్ ఛానల్ కి ప్రత్యేకంగా ఇంటర్వ్యూ ఇచ్చిన సంగతి తెలిసినదే. దాదాపు 80 శాతం షూటింగ్ విదేశాలలోనే జరుపుకుంటున్న ఈ చిత్రంపై అంచనాలు ఒక రేంజ్ లో వున్నాయి . ఎట్టి పరిస్థితులలో సంక్రాంతికి విడుదలకానున్న ఈ సినిమాపై ఇప్పుడు కొత్త వార్తలు వినిపిస్తున్నాయి.

ఈ సినిమాలో ఒక చిన్న, ముఖ్యమైన పాత్రకోసం హీబా పటేల్ ని ఎంచుకున్నట్టు దానికోసమే ఈ భామ ఇప్పటికే స్పెయిన్ బయలుదేరినట్టు రకరకాల ఊహాగానాలు వినిపిస్తున్నాయి. కుమారి 21F విజయం కారణంగా, సుకుమార్ తో వున్న రిలేషన్ ఆధారంగా మన కుమారి భామకు ఈ ఛాన్స్ దొరికిందని చాలా మంది భావన.

వార్తలో ఎంతవరకూ నిజమో తెలియదుగానీ ఇది గనుక అఫీషియల్ అయితే కుమారి భామ నక్కల తోక తోక్కినట్టే. చేసేది చిన్న క్యారక్టర్ అయినా తారక్ వంటి పెద్ద హీరోతో నటించే అవకాశం మూడో సినిమాతోనే రావడం ఆమె అదృష్టం.