ఎన్టీఆర్ చిత్రంలో ఇందిరాగాంధీ ఫిక్స్

ఎన్టీఆర్ బయోపిక్ స్టార్ట్ అయినప్పటి నుండి హడావిడే తప్ప సినిమా కొంచెం కూడా ముందుకు సాగడం లేదు. ఇప్పటివరకు సరిగ్గా పాత్రలకు సంబంధించిన వివరాలను పూర్తిగా చెప్పలేకపోతున్నారు. రూమర్స్ ఎన్ని వస్తున్నప్పటికీ వాటిపై సరైన సమాచారం లేదు. కొంత మంది నో చెప్పారని టాక్ బాగానే వస్తున్నా చిత్ర యూనిట్ వాటిపై కూడా స్పందించలేదు. దర్శకుడే తప్పుకోవడంతో పలు రకాలుగా కామెంట్స్ వినిపించడం సినిమాపై ఆసక్తి తగ్గేలా చేస్తోంది.

బాలయ్య డైరెక్ట్ చేస్తున్నారు అని తెలియడంతో కొంత ఆసక్తి నెలకొన్నప్పటికి ఎంత వరకు వర్కౌట్ అవుతుంది అనేది సందేహమే. ఇక అవన్నీ పక్కనపెడితే.. ఫైనల్ గా ఒక ముఖ్య పాత్రకు బాలీవుడ్ సీనియర్ హీరోయిన్ ని ఫిక్స్ చేశారు. అది కూడా జస్ట్ అతిధి పాత్రే అని తెలుస్తోంది. ఎన్టీఆర్ రాజకీయ జీవితంలో ఇందిరాగాంధీ అంశం కోసం ఆమె పాత్రలో హేమా మాలినిని ఫైనల్ చేశాడట బాలయ్య. టాలీవుడ్ లో కొంతమందిని ఇందిరాగాంధీ పాత్ర కోసం అనుకున్నప్పటికి చివరికి హేమా మలినిని ఒకే చేశారు.

కొన్ని నిమిషాలు మాత్రమే ఉండే ఆమె పాత్ర సినిమాని మలుపు తిప్పే విధంగా ఉంటుందని టాక్ వస్తోంది. ఇక మరో గెస్ట్ పాత్రతో మోక్షజ్ఞ కూడా సినిమాలో భాగం కానున్నట్లు తెలుస్తోంది. బాలక్రిష్ణ మరికొన్ని రోజుల్లో పాత్రధారులకు సంబంధించిన పనులన్నింటిని ఫినిష్ చేయాలని చూస్తున్నాడు. అందుకోసం సీనియర్ దర్శకుల సలహాలు తీసుకుంటున్నట్లు సమాచారం.