సూపర్‌ స్టార్‌ స్టైలిష్‌ లుక్‌ కి ఫ్యాన్స్‌ ఫిదా

తమిళ స్టార్ హీరో అజిత్ కుమార్ కి సినిమాలంటే ఎంత ఇష్టమో బైక్ రేసింగ్ అంతకంటే ఇష్టం. తన ప్రతి సినిమాలో కూడా బైక్ రేసింగ్ ఉండాలని ఆసక్తి చూపించే అజిత్ కుమార్ సినిమాల్లో సన్నివేశాలు ఉన్నా లేకున్నా రెగ్యులర్ గా తన సినిమాల షూటింగ్ కోసం బైక్ పై వెళ్లడం జరుగుతుందట.

అంతే కాకుండా సుదూర ప్రాంతాలకు బైక్ రైడింగ్ తో అజిత్ కుమార్ వెళ్లడం మనం చూస్తూనే ఉన్నాం. ప్రస్తుతం ఆయన హెచ్ వినోద్ దర్శకత్వంలో ఒక సినిమాను చేస్తున్న విషయం తెలిసిందే. ఆ సినిమా షూటింగ్ గ్యాప్ లో ఇలా సరదాగా తన స్పోర్ట్స్ బైక్ చెక్కర్లు కొడుతున్నాడు.

ఆ సందర్భంగా తీసుకున్న ఈ ఫోటో ప్రస్తుతం సోషల్ మీడియాలో వైరల్ అవుతుంది. పెద్ద ఎత్తున ఈ ఫోటో గురించి మీడియాలో జనాలు మాట్లాడుకుంటున్నారు. అంతే కాకుండా సూపర్ స్టార్ అజిత్ కుమార్ స్టైలిష్ లుక్ అద్భుతంగా ఉందంటూ పలువురు కామెంట్స్ చేస్తున్నారు.

వరుసగా సక్సెస్ లను దక్కించుకుంటున్న అజిత్ కుమార్ ఈ మధ్య కాలంలో తెలుగులో మాత్రం ఆశించిన స్థాయిలో ఆకట్టుకోలేక పోతున్నాడు. ఆయన క్రేజ్ పూర్తిగా తమిళ సినీ ప్రేక్షకుల వరకే పరిమితం అవుతుంది.

తెలుగులో ఒకప్పుడు మంచి సక్సెస్ లను దక్కించుకున్న ఆజిత్ కుమార్ ఇప్పుడు మాత్రం ఆ స్థాయి విజయాల కోసం చాలా కాలంగా ఎదురు చూస్తున్నాడు. ప్రస్తుతం చేస్తున్న సినిమాలైనా ఆయనకు తెలుగులో మునుపటి క్రేజ్ ని తెచ్చి పెడతాయా చూడాలి.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.