మెగా ఫోన్ పట్టబోతున్న స్టార్ హీరో..!

కోలీవుడ్ స్టార్ హీరో ధనుష్ హీరోగా ఎంత బిజీగా ఉన్నా సరే సరైన కథ ఆలోచన వస్తే డైరెక్షన్ లో కూడా తన ప్రతిభ చూపిస్తున్నారు. ఆల్రెడీ ధనుష్ తన డైరెక్షన్ లో పా పాండి అనే సినిమా చేశారు. ఇప్పుడు మరో సినిమాను డైరెక్ట్ చేయాలని చూస్తున్నారట. హీరోగానే కాదు డైరెక్టర్ గా కూడా తన సత్తా చాటాలని చూస్తున్న ధనుష్ కొత్త సినిమాకి శ్రీకారం చుట్టబోతున్నారట.

ఈ సినిమాలో ఎస్.జె సూర్య, విష్ణు విశాల్ ప్రధాన పాత్రధారులుగా నటిస్తారని తెలుస్తుంది. స్టార్ డైరెక్టర్స్ లో ఒ పక్క సినిమాల్లో నటిస్తూ మరోపక్క డైరెక్టర్ గా చేస్తున్న హీరో ఒక్క ధనుష్ మాత్రమే అని చెప్పొచ్చు.

మిగతా వారంతా తాము నటిస్తున్న సినిమాల మీదే ఫోకస్ పెడతారు కానీ నటుడిగానే కాదు దర్శకుడిగా కూడా ధనుష్ తన స్టామినా ప్రూవ్ చేయాలని ఫిక్స్ అయ్యాడు. ఆల్రెడీ పా పాండి సినిమాతో అది ప్రూవ్ అవగా మరోసారి డైరెక్టర్ గా తన మలి ప్రయత్నాన్ని చేస్తున్నారు ధనుష్.

ఇక ధనుష్ హీరోగా నటిస్తున్న సినిమాల విషయానికి వస్తే ప్రస్తుతం తెలుగులో వెంకీ అట్లూరి డైరెక్షన్ లో సార్ సినిమా చేస్తున్నాడు ధనుష్. ఆ సినిమా తర్వాత వెంటనే శేఖర్ కమ్ముల డైరెక్షన్ లో సినిమా చేస్తాడని తెలిసిందే. ఈ మధ్యనే సినిమా ముహుర్త కార్యక్రమాలు జరుపుకుంది. ఇదే కాదు ధనుష్ 3వ తెలుగు సినిమా ప్లానింగ్ లో ఉన్నాడని టాక్. దిల్ రాజు బ్యానర్ లో ధనుష్ సినిమా ఉంటుందని టాక్.

కోలీవుడ్ హీరోలు తమ ఫోకస్ అంతా కూడా తెలుగు మార్కెట్ పై పెట్టారు. అందుకే ధనుష్, విజయ్ లాంటి స్టార్స్ తెలుగు, తమిళ బైలింగ్వెల్ మూవీస్ మీద దృష్టి పెట్టారు. విజయ్ వారసుడు మాత్రమే చేయగా ధనుష్ ఏకంగా 3 సినిమాలను చేస్తున్నాడు. ఈ సినిమాలతో ధనుష్ తెలుగు ఆడియన్స్ కి బాగా దగ్గరయ్యే ఛాన్స్ ఉంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.