రిలీజ్ వరకూ హీరో ఎవరో చెప్పరట

ఓ సినిమాను ప్రచారం చేయడంలో.. హీరో పాత్ర చాలా ముఖ్యం. మేల్ డామినేటెడ్ ఇండస్ట్రీ కావడంతో.. సినిమాకి సంబంధించిన ప్రతీ అప్డేట్ హీరో పేరు మీదే సాగుతుంటుంది. అయితే.. ఓ సినిమాకి మేకర్స్ అనుసరిస్తున్న రూట్.. అందరినీ ఆశ్చర్యపరుస్తోంది.

రక్షక భటుడు అనే టైటిల్ పై రూపొందుతున్న చిత్రానికి.. తాజాగా ఫస్ట్ లుక్ ఇచ్చారు. ఇందులో హీరో పోలీస్ పాత్ర పోషించగా.. ఆ హీరో మొహాన్ని దాచేసి.. ఆంజనేయస్వామి ఫేస్ ని మార్ఫింగ్ చేసి పెట్టారు. తెలుగులో ఓ లీడింగ్ హీరో ఈ పాత్ర పోషిస్తున్నాడని చెబుతున్నారు కానీ.. ఆ హీరో ఎవరో చెప్పలేదు. సెకండ్ లుక్ లో హీరో పేరు రివీల్ చేస్తారని ఇప్పటివరకూ అనుకుంటే.. సినిమా రిలీజ్ వరకూ హీరోను దాచేస్తామని చెబుతుండడం ఆశ్చర్యకరం. మీడియా విపరీతమైన యాక్టివ్ నెస్ చూపిస్తున్న ఈ రోజుల్లో.. చిన్నవిషయాలను దాచిపెట్టడమే కష్టంగా ఉంది. అలాంటిది ఏకంగా హీరోనే దాచి పెట్టేసి.. సినిమాను థియేటర్లలోకి తెచ్చేస్తామని చెప్పడం నిజంగా షాక్ అనాల్సిందే. ఇందులో మేకర్స్ ఏ మాత్రం సక్సెస్ అవుతారో చూడాలి.

గతేడాది సునీల్ తో జక్కన్న చిత్రాన్ని తెరకెక్కించిన దర్శకుడు వంశీకృష్ణ.. ఈ రక్షక భటుడు చిత్రాన్ని రూపొందిస్తున్నాడు. ఇప్పటికే షూటింగ్ పూర్తయిపోగా.. వెండితెరపైనే హీరో చూడమంటున్న ఈ మూవీని.. ఏప్రిల్ 7న లేదా 14న విడుదల చేయబోతున్నట్లు చెబుతున్నారు మేకర్స్.

Like Us on Facebook : https://www.facebook.com/Tupakidotcom/