మావయ్య బ్యానరే నెగటివ్ అయ్యిందే!!?

అతనో క్రేజీ యూత్ హీరో. సైడ్ ఆర్టిస్ట్ గా మొదలై ఓ అగ్రెసివ్ క్యారెక్టర్ ఆధారంగా రూపొందిన సినిమాతో ఒక్క దెబ్బకే స్టార్ల రేంజ్ లో ఫాలోయింగ్ పెంచుకున్నాడు. ఆ తర్వాత ఓ కూల్ ఎంటర్ టైనర్ ఇండస్ట్రీ హిట్ గా నిలవడంతో బాబుకి ఇక బ్రేకులు లేవనుకున్నారు అందరూ. కానీ గత ఏడాది చేసిన ఓ తమిళ్ తెలుగు బై లింగ్వల్ సినిమా ఇటీవలే నాలుగు భాషల్లో వదిలిన కాలేజీ బ్యాక్ డ్రాప్ మూవీ రెండూ గట్టి షాకే ఇచ్చాయి. తానుంటే పెట్టుబడి వెనక్కు గ్యారెంటీ అన్న అతని నమ్మకాన్ని ఇవి బ్రేక్ చేశాయి.

ఇదిలా ఉండగా ఈ హీరోకు ఓ మేనమామ ఉన్నారు. ఆయన నిర్మాణ భాగస్వామ్యంలోనూ సినిమాలు వస్తూ ఉంటాయి. కానీ ఇప్పటిదాకా ఏ ఒక్కటీ ఆశించిన స్థాయిలో ఆడలేదు. అమెరికాలో ఉండే ఈయన అల్లుడి సహాయంతో నిర్మాతగా సెటిలవ్వాలని గట్టి ప్రయత్నాలే చేస్తున్నారు. కానీ అవేవి ఆశించిన ఫలితం ఇవ్వడం లేదు. తీరా ఇటీవలే రిలీజ్ చేసిన కాలేజీ బ్యాక్ డ్రాప్ లో తీసిన మూవీ కూడా డిజాస్టర్ అయ్యింది. ఇప్పుడు ఈయన ఇక్కడ కొనసాగాలి అంటే అల్లుడితో గట్టి హిట్టు పడాలి.

సరే ఇంకో మేనల్లుడు ఉన్నాడు కదాని హీరో తమ్ముడితో ఓ పీరియాడిక్ లవ్ స్టోరీ చేస్తే అదీ దెబ్బేసింది. దీంతో ఇప్పుడు ఈయనతో సినిమా అంటేనే ఏదో నెగటివ్ వైబ్రేషన్స్ వస్తున్నట్టుగా ఫీలయ్యి సదరు హీరో కూడా ఇక ఇంతకంటే తాను ఏమి చేయలేనని బయటి ప్రాజెక్ట్స్ కమిట్ అయ్యాను కాబట్టి తన మీద ఆశలు పెట్టుకోవద్దని చెప్పేశాడట. దీంతో షాక్ తిన్న మావయ్య ఇప్పుడు వెనక్కు యుఎస్ వెళ్ళిపోయి బిజినెస్ చూసుకోవాలా లేక ఇతర హీరోలతో ఏదైనా సినిమా చేసి బాకీలు క్లియర్ చేయాలా అనే ఆలోచనలో పడ్డట్టు వినికిడి. అంగట్లో అన్ని ఉన్నా ఎక్కడో ఏదో శని ఉన్న సామెత లాగా ఈ సినిమా మావయ్య కష్టాలు ఎప్పుడు తీరతాయో ఏంటో