ఫస్ట్ లుక్: పైరేట్ గా మారిన యువ హీరో

యువ హీరో నవీన్ చంద్ర మొదట్లో లీడ్ రోల్స్ చేసినా నాని 'నేను లోకల్' నుండి క్యారెక్టర్లు కూడా చేస్తూ వచ్చాడు. 'దేవదాస్'.. 'అరవింద సమేత' సినిమాల్లో కీలకపాత్రలు పోషించిన నవీన్ ఇప్పుడు మరోసారి సోలో హీరోగా రానున్నాడు. 'హీరో హీరోయిన్' టైటిల్ తో తెరకెక్కుతున్న ఈ సినిమా ఫస్ట్ లుక్ ను నిర్మాతలు తాజాగా విడుదల చేశారు.

ఈ సినిమాకు ట్యాగ్ లైన్ 'ఎ పైరేటెడ్ లవ్ స్టొరీ'. ఈ రొమాంటిక్ యాక్షన్ ఫిలిం పైరసీ నేపథ్యంలో సాగుతుందట.. అందుకే ఈ ట్యాగ్ లైన్ ఇచ్చారు. సుశాంత్ 'అడ్డా' సినిమాకు దర్శకత్వం వహించిన జీఎస్ కార్తిక్ ఈ సినిమాకు దర్శకుడు. సినిమా పైరసీ చేసే వ్యక్తి హీరో పాత్రతో సినిమా తెరకెక్కడం ఇదే మొదటి సారి అని దర్శకుడు అంటున్నాడు. ఫస్ట్ లుక్ విషయానికి వస్తే నవీన్ చంద్ర ఒక బైక్ మీద స్టైల్ గా కూర్చొని సిగరెట్ నోట్లో పెట్టుకున్నాడు. వెనక నిలబడి ఉన్న హీరోయిన్ ఆ సిగరెట్ ను లైటర్ తో వెలిగిస్తోంది. టీజర్ నెక్స్ట్ వీక్ లో రిలీజ్ చేస్తామని ఫస్ట్ లుక్ పోస్టర్లోనే వెల్లడించారు.

ఈ సినిమా షూటింగ్ పార్ట్ అంతా కంప్లీట్ అయింది. ప్రస్తుతం పోస్ట్ ప్రొడక్షన్ కార్యక్రమాలు జోరుగా సాగుతున్నాయి. పూజా ఝవేరి ఈ సినిమాలో హీరోయిన్ గా నటిస్తోంది. అనూప్ రూబెన్స్ సంగీత దర్శకుడు. 'హీరో హీరోయిన్' చిత్రాన్ని స్వాతి పిక్చర్స్ బ్యానర్ పై భార్గవ్ మన్నే నిర్మిస్తున్నారు.