హమ్మయ్యా.. నా సినిమా సేఫ్

టాలీవుడ్ లో కమెడియన్ గా మంచి గుర్తింపు తెచ్చుకొని సప్తగిరి ఇప్పుడు హీరోగా ట్రై చేస్తోన్న సంగతి తెలిసిందే. బాలీవుడ్‌లో అక్షయ్‌ కుమార్‌ నటించిన ‘జాలీ ఎల్‌ఎల్‌బి 2’కు తెలుగు రీమేక్‌ గా సప్తగిరి LLB అనే సినిమాతో రాబోతున్న ఈ కమెడియన్ హీరో సినిమా ప్రమోషన్స్ ని బాగానే చేస్తున్నాడు. రీసెంట్ గా రామ్ చరణ్ చేతుల మీదుగా ట్రైలర్ ని కూడా రిలీజ్ చేయించి మెగా అభిమానుల చూపును తన వైపు తిప్పుకున్నాడు.

ఇక ఇప్పుడు నాని సపోర్ట్ కూడా తీసుకొని సినిమాపై అంచనాలు పెంచే ప్రయత్నం చేస్తున్నాడు. నాని చేతుల మీదుగా సప్తగిరి LLB లోని మూడు పాటలను చిత్ర యూనిట్ రిలీజ్ చేసింది. ఈ సందర్భంగా నాని కొంచెం సరదాగా మాట్లాడుతూ.. సప్తగిరి అంటే నాకు చాలా ఇష్టం. ఇద్దరం కలిసి చేసింది ఒకటే సినిమా అయినా ప్రేమ కథ చిత్రం - వెంకటాద్రి ఎక్స్ ప్రెస్ సినిమాల్లో తన కామెడీ టైమింగ్ ను చూసి ఎంజాయ్ చేశాను. సప్తగిరి తనకంటూ ఓ స్టైల్ ని ఏర్పరచుకున్నడు. ఇక నేను రిలీజ్ చేసిన ఈ పాటలను చూస్తుంటే స్టార్ హీరోల సినిమాల రేంజ్ లో ఉన్నాయి.. అన్నాడు.

ఇక నాని చిత్ర యూనిట్ వైపు చూస్తూ.. ''నా సినిమా రిలీజ్ అయ్యే టైమ్ లో ఈ సినిమా రిలీజ్ అవ్వడం లేదు కదా?'' అని కామెంట్ చేయడంతో అందరు ఒక్కసారిగా నవ్వారు. నాని సినిమా డిసెంబర్ 21న రిలీజ్ అవుతున్న సంగతి తెలిసిందే. అయితే సప్తగిరి అప్పుడు రిలీజ్ కావట్లేదు. ముందే రిలీజ్ అవుతోందని చెప్పడంతో నాని ''నా సినిమా సేఫ్'' అని చెబుతూ.. ''సినిమాలో ఇంత కలర్ ఫుల్ సాంగ్స్ ఉంటే.. ఆ సినిమాకే వెళతా'' అని సమాధానం ఇచ్చాడు. అంతే కాకుండా సినిమా జాలీ LLB 2 కంటే పది రేట్లు ఎక్కువ వినోదాన్ని అందిస్తుందని అనుకుంటున్నట్లు నాని స్పీచ్ ను ముగించాడు