ఆ సినిమా ఆడలేదు బాబాయ్ - నాని

ఓ సినిమా రిజల్ట్ ఎలా ఉన్నా కూడా చిత్ర యూనిట్ లోని ఏ ఒక్కరు సినిమా ప్లాప్ అయ్యిందని చెప్పుకోరు. అలా చెప్పుకునే వాళ్లు చాలా తక్కువ మంది ఉంటారు. అది కూడా సినిమా రిలీజ్ అయ్యి బిజినెస్ క్లోక్ అయిన తరువాత గాని సినిమా పరిస్థితి ఎంటనేది చెప్పరు. అసలు మ్యాటర్ లోకి వస్తే న్యాచురల్ స్టార్ నాని తన సినిమా గురించి తనే సెటైర్ వేసుకున్నాడు.

న్యాచురల్ స్టార్ నాని లేటెస్ట్ మూవీ కృష్ణార్జున యుద్ధం గత నెల 12న రిలీజ్ అయిన సంగతి తెలిసిందే. మెకపార్ల గాంధీ దర్శకత్వంలో తెరకెక్కిన ఈ సినిమాలో నాని ద్విపాత్రాభినయం చేశాడు. అయితే సినిమా ఉహించినట్టుగా ప్రేక్షకులను మెప్పించలేకపోయింది. నాని గత చిత్రం ఎంసీఏ తరహాలో కూడా ఆడలేదు. నాని కెరీర్ లో చాలా కాలం తరువాత ఓ పెద్ద డిజాస్టర్ అందుకున్నాడు.

అయితే ఈ ఫెయిల్యూర్ ని నాని నిజాయితీగా ఒప్పేసుకున్నాడు. ఓ విధంగా సెటైర్ వేశాడనే చెప్పాలి. ఓ వెబ్ మీడియా నాని లేటెస్ట్ హిట్ మూవీలో సాంగ్ ని చూడండి అని ట్వీట్ చేయగా దాన్ని రీట్వీట్ చేస్తూ.. "సూపర్ హిట్ అంటా..అవ్వలేదు బాబాయ్..ఆడలేదు కూడా.. అయినా మనసు పెట్టి చేశాం..చూసేయండి.. అంటూ సరికొత్తగా చెప్పాడు. ఈ తరహాలో ఒక హీరో ఈ కాలంలో ఫెయిల్యూర్ ని ఒప్పుకోవడం నిజంగా ఆశ్చర్యమనే చెప్పాలి.