Vలో నేచుర‌ల్ 6 ప్యాక్ చూపిస్తాడ‌ట‌

నేచుర‌ల్ స్టార్ నాని కెరీర్ జ‌ర్నీ ఒడిదుడుకుల గురించి తెలిసిందే. 24 సినిమాల జ‌ర్నీలో ఎన్నో ఎత్తు ప‌ల్లాల్ని చ‌వి చూశాడు. ఒకానొక ద‌శ‌లో ఇక అయిపోయాడు! అనుకున్న‌ప్పుడు ఉవ్వెత్తున కెర‌టంలో ఎగిసిప‌డ్డాడు. వ‌రుస హిట్ల‌తో స‌ర్రున దూసుకొచ్చాడు. ఈ కంబ్యాక్ పై ఆస‌క్తిక‌ర చ‌ర్చ సాగింది. వ‌రుస‌గా డ‌బుల్ హ్యాట్రిక్ హిట్ల‌తో వారెవ్వా అని కూడా అనిపించాడు. అందుకే అత‌డు న‌టిస్తున్న సిల్వ‌ర్ జూబ్లీ మూవీపై ప్ర‌త్యేక ఫోక‌స్ ఉంది అభిమానుల్లో.

అసిస్టెంట్ డైరెక్ట‌ర్ గా ఉన్న త‌నను హీరోని చేసిన గురువు ఇంద్రగంటి ద‌ర్శ‌క‌త్వంలో ప్ర‌స్తుతం `వీ` అనే క్రేజీ మైండ్ గేమ్ నేప‌థ్యం ఉన్న సినిమాలో న‌టిస్తున్నారు. ఇందులో సుధీర్ బాబు మ‌రో హీరోగా న‌టిస్తున్న సంగ‌తి తెలిసిందే. నెగెటివ్ షేడ్ ఉన్న పాత్ర‌లో నాని ట్రీట్ ప్ర‌త్యేకంగా ఉంటుంద‌ని అభిమానుల్లో ముచ్చ‌ట సాగుతోంది. ప‌క్కింటి అబ్బాయిగా క‌నిపించే నాని `వీ`లో మ‌రో కొత్త అవ‌తారంలో క‌నిపిస్తాడ‌న్న ముచ్చ‌టా సాగుతోంది.

త‌న పాత్ర‌కు త‌గ్గ‌ట్టే ఫిజిక్ ని మార్చేస్తున్నాడ‌ట‌. నాని ఈ చిత్రంలో 6ప్యాక్ యాబ్స్ తో ఫ్యాన్స్ కి అదిరిపోయే ట్రీటిస్తాడ‌ట‌. ఆరుప‌ల‌కల కోసం జిమ్ముల్లో తీవ్రంగానే శ్ర‌మిస్తున్నాడ‌ని తెలుస్తోంది. అయితే ఇప్ప‌టివ‌ర‌కూ అత‌డి ప్ర‌య‌త్నానికి సంబంధించి చిత్ర‌యూనిట్ నుంచి ఎలాంటి క్లూ లీక్ కాలేదు. మునుముందు ఆ సంగ‌తిని రివీల్ చేస్తారేమో చూడాలి. ఈ చిత్రంలో అతిధి రావ్ హైద‌రీ - నివేధ థామ‌స్ క‌థ‌నాయిక‌లు. దిల్ రాజు నిర్మిస్తున్నారు.