పెళ్ల‌య్యాక బ‌ట్ట‌లుతికి అంట్లు తోమి బ‌క్క చిక్కిన హీరో!

పెళ్ల‌య్యాక అత్తారింటి స్పెష‌ల్ వంట‌కాలు ప‌డితే ఎవ‌రైనా కొత్త‌ పెళ్లికొడుకు లావెక్కుతారు. కానీ నితిన్ స‌న్న‌బ‌డ్డాడేమిటి? ఇదే ధ‌ర్మ సందేహాన్ని వ్య‌క్తం చేశాడో వీరాభిమాని. దానికి నితిన్ అంతే ఫ‌న్నీ ఆన్స‌ర్ ఇచ్చారు.

``పెళ్ల‌య్యాక స‌న్న‌బ‌డ్డారు కార‌ణ‌మేంటి? అనడ‌గ్గానే.. ఇంట్లో ప‌నిచేసి బ‌ట్ట‌లుతికి అంట్లుతోమి బ‌క్క‌గా అయిపోయాను`` అంటూ నితిన్ చ‌మ‌త్క‌రించడంతో ఆ ఈవెంట్లో జ‌నం ఘొల్లుమ‌న్నారు.

రంగ్ దే ప్ర‌మోష‌న్ కార్య‌క్ర‌మంలో బిజీగా ఉన్న నితిన్ తొలి ఈవెంట్ ని రాయ‌ల‌సీమ‌లో ప్లాన్ చేసిన సంగ‌తి తెలిసిందే. రంగ్ దే ట్రైల‌ర్ ని క‌ర్నూలులో ఆవిష్క‌రించారు. ఇక్క‌డ ఫ్యాక్ష‌న్ మాసిజం కంటే ప్రేమ ఎక్కువ‌గా ఉంద‌ని నితిన్ ప్ర‌జ‌ల‌కు కాంప్లిమెంట్ ఇచ్చారు. నితిన్ - కీర్తి సురేష్ జంట‌గా వెంకీ అట్లూరి ద‌ర్శ‌క‌త్వంలో సితార ఎంట‌ర్ టైన్ మెంట్స్ నిర్మించిన రంగ్ దే త్వ‌ర‌లో రిలీజ‌వుతున్న సంగ‌తి తెలిసిందే.