చినిగిన జీన్స్ లో డార్లింగ్ రచ్చ

ఇంకో అరవై రోజుల కంటే తక్కువ వ్యవధిలో వస్తున్న ప్రభాస్ సాహో షూటింగ్ చివరి మెట్టు దగ్గరికి వచ్చేసింది. ప్రస్తుతం ఆఖరి పాటను షూట్ చేస్తున్న టీం అది పూర్తి కాగానే ఇండియా వచ్చేసి ఇప్పటికే జరుగుతున్న పోస్ట్ ప్రొడక్షన్ ని ఇంకా వేగవంతం చేయనుంది. టైం ముంచుకు వస్తోంది. బిజినెస్ డీల్స్ ని ఫైనల్ చేసి క్లోజ్ చేయాలి. ప్రమోషన్స్ మొదలుపెట్టాలి. ప్రీ రిలీజ్ ఈవెంట్లు ఆడియో ట్రాక్స్ రిలీజులు తతంగం చాలానే ఉంది. అంతా ఉరుకుల పరుగుల మీదే జరగనుంది.

ఆస్ట్రియాలో పాట పాడుకుంటున్న ప్రభాస్ శ్రద్ధలు స్థానిక మెట్రో ట్రైన్ లో జర్నీ చేస్తున్నప్పుడు తీసిన ఫోటో ఒకటి వైరల్ అవుతోంది. అందులో ఎప్పటిలాగే డార్లింగ్ లుక్స్ తో అదరగొట్టగా మోకాళ్ళ దగ్గర చిరిగిన రిప్పిడ్ జీన్స్ తో స్టైల్ సింబల్ గా నిలుస్తున్నాడు. శ్రద్ధా కపూర్ తో పాటు తల్లి కూడా అక్కడికి వెళ్లారు ఇది పూర్తి చేసుకుని తిరిగి వచ్చాక కొంత గ్యాప్ తో ప్రభాస్ రాధాకృష్ణ దర్శకత్వంలో రూపొందే సినిమాలో కంటిన్యూ అవుతాడు.

కాని సాహో ప్రమోషన్ కు చాలా టైం కేటాయించాలి కాబట్టి వెంటనే షూటింగ్ ఉంటుందా అనేది అనుమానమే. మరోపక్కా జిబ్రాన్ నేతృత్వంలో ఫైనల్ రష్ కట్ చేసిన వెర్షన్ కి బ్యాక్ గ్రౌండ్ స్కోర్ కంపోజ్ చేయడం మొదలైందట. దీనికి ఎన్ని రోజులు పడుతుందో చూడాలి. అసలు ఎన్ని పాటలు ఉన్నాయి అందులో డ్యూయెట్స్ ఎన్ని సోలో సాంగ్ ఏమైనా ఉంటుందా లేదా అనే క్లారిటీ ప్రస్తుతానికి లేదు. ఇంకో వారం పది రోజుల్లో సాహో తాలుకు అప్ డేట్స్ తో అభిమానులు ఉక్కిరిబిక్కిరి అవ్వడం ఖాయంగానే కనిపిస్తోంది