సెన్సార్ పూర్తి చేసుకున్న యువహీరో సినిమా.. మార్చ్ 5న!

టాలీవుడ్ యువహీరో రాజ్ తరుణ్ ప్రస్తుతం 'పవర్ ప్లే' అనే థ్రిల్లర్ మూవీతో ప్రేక్షకుల ముందుకు రావడానికి సిద్ధమయ్యాడు. కొన్నేళ్లుగా రాజ్ తరుణ్ ఖాతాలో అన్ని ప్లాప్ సినిమాలే పడ్డాయి. సరైన హిట్ కోసం ప్రస్తుతం ఎదురుచూస్తున్నాడు. లవ్ స్టోరీస్, కామెడీ జానర్స్ ఎలాగో చేసేసాడు అలాగే జనాలు కూడా ఇప్పుడు కొత్తదనం కోరుకుంటున్నారు. అందుకే రూట్ మార్చి థ్రిల్లర్ మూవీ చేసాడు. ఉయ్యాలా జంపాల సినిమాతో టాలీవుడ్ ఇండస్ట్రీకి హీరోగా పరిచయయ్యాడు రాజ్ తరుణ్. ఫస్ట్ సినిమా హిట్ అవ్వడంతో అవకాశాలు దక్కించుకొని సినిమా చూపిస్తా మావ, కుమారి21ఎఫ్ లాంటి వరుస హిట్లతో మంచి క్రేజ్ సొంతం చేసుకున్నాడు. కానీ ఆ తర్వాత నుండి వరుస ప్లాప్ లతో వెనకబడిపోయాడు.

ఇప్పుడు రాజ్ తరుణ్ కి హిట్టు తప్పనిసరి అనే పరిస్థితి వచ్చింది. చివరిగా చేసిన 'ఒరేయ్ బుజ్జిగా' ఫేమ్ విజయ్ కుమార్ కొండానే మళ్లీ ఈ సినిమాను కూడా తెరకెక్కించాడు. అయితే విడుదలకు దగ్గరపడిన ఈ సినిమా ఈరోజు ఉదయం సెన్సార్ పనులు పూర్తి చేసుకుంది. సెన్సార్ బోర్డు వారు ఈ పవర్ ప్లే సినిమాకు యూఏ సర్టిఫికెట్ ఇచ్చారు. మొత్తానికి సినిమా మార్చ్ 5న విడుదల అయ్యేందుకు రెడీ అయిపోయింది.

ఈ సినిమాలో హీరోయిన్ పూర్ణ, ప్రిన్స్, హేమల్ ఇంగ్లే ప్రధానపాత్రల్లో నటించారు. ఇక్కడ విషయం ఏంటంటే.. పూర్ణ ఈ సినిమాలో నెగటివ్ రోల్ చేసింది. అంతేగాక తన పాత్రలో ఆకట్టుకుంటుందని టాక్. ఈ సినిమాను వనమాలి క్రియేషన్స్ బ్యానర్ పై మహీధర్, దేవేష్ లు సంయుక్తంగా నిర్మించారు. చూడాలి మరి రాజ్ తరుణ్ ఈ సినిమాతో అయినా హిట్ ప్లే స్టార్ట్ చేస్తాడేమో!