ఎనర్జిటిక్ హీరో కొత్త లుక్ కేక

ఇప్పుడు టాలీవుడ్ కుర్ర హీరోలంతా కొత్త లుక్స్ ట్రై చేస్తున్న సంగతి ముందే చెప్పుకున్నాం. ముఖ్యంగా కుర్రాళ్లంతా గెడ్డంతో కొత్తగా కనిపించేందుకు తెగ తాపత్రయపడిపోతున్నారు. ఇందులో హీరో రామ్ కూడా ఉన్నాడనే సంగతి తెలిసిందే. ఇప్పటికే ఓ సారి తను గెడ్డం పెంచుతున్న సంగతిని హింట్ ఇవ్వడంతో పాటు.. ఫోటో కూడా చూపించిన రామ్.. ఇప్పుడు ఓ వీడియో కూడా పోస్ట్ చేశాడు.

కేవలం నాలుగంటే నాలుగు సెకన్ల నిడివి ఉండే ఈ వీడియోలో.. కార్ డ్రైవ్ చేస్తున్న ఎనర్జిటిక్ హీరో.. జస్ట్ ఓ సారి చెయ్యూపి హలో అంటాడంతే. హలో సంగతి పక్కన పెడితే.. రామ్ స్టైలింగ్ అదిరిపోయిందని చెప్పాల్సిందే. డిఫరెంట్ గా కట్ చేసిన హెయిర్ స్టైల్.. ఓ పద్ధతి ప్రకారం పెంచిన గెడ్డం.. రామ్ లోని మ్యాన్లీ నెస్ ని చూపిస్తుంటే.. ఎనర్జీ లెవెల్స్ మరింతగా పెరిగిపోయినట్లు అనిపించక మానదు. ఇక ఆ కళ్లజోడు.. ఈ హీరో స్టైల్ ను మరింతగా ఇనుమడింపచేసేశాయి.

ఈ లుక్ కొత్త సినిమాలో చూపించేందుకు పెంచుతున్నాడని అనుకోవచ్చు కానీ.. రామ్ ఇంకా ఏ మూవీ ఫైనల్ చేయలేదు. కరుణాకరన్ దర్శకత్వంలో ఓ మూవీ ఖాయమైందనే న్యూస్ ఉంది కానీ.. అది అఫీషియల్ కాదు. మిగిలిన మాటలు.. చర్చలు అయిపోయాక.. డిసెంబర్ లో ఈ మూవీని అనౌన్స్ చేసి.. జనవరి నుంచి షూటింగ్ స్టార్ట్ చేస్తాడట రామ్.

Like Us on Facebook : https://www.facebook.com/Tupakidotcom/