డబుల్ స్మార్ట్ ఇప్పుడే వద్దట

ఊహించని విధంగా ఇస్మార్ట్ శంకర్ సూపర్ హిట్ కావడంతో పూరి జగన్నాధ్ ఆనందం మాములుగా లేదు. ఎన్నో ఏళ్లుగా అందని ద్రాక్షగా మిగిలిపోయిన సక్సెస్ ఏకంగా ఇప్పుడు పెద్ద లారీ లోడ్ రూపంలో ఎదురు కావడం అంటే మాటలా. ఈ ఉత్సాహంతోనే రిలీజై హిట్ టాక్ రావడం ఆలస్యం డబుల్ ఇస్మార్ట్ పేరుతో సీక్వెల్ తీస్తానని పూరి ప్రకటించిన సంగతి తెలిసిందే. కానీ ఆ టైంలో రామ్ అందుబాటులో లేడు. కొనసాగింపు తీస్తే అదే హీరోతో చేయాలి. వేరేవాళ్ళతో అంటే సింక్ అవ్వదు. రామ్ తిరిగి వచ్చేశాడు.

కానీ ఈ సీక్వెల్ ప్రతిపాదన పట్ల రామ్ అంతగా ఆసక్తి చూపడం లేదని ఇన్ సైడ్ టాక్. ఇలా వరుసగా ఒకే తరహా సబ్జెక్ట్ తో సీక్వెల్ చేస్తే ప్రేక్షకుల్లో ఇంకో రకమైన అభిప్రాయం రావొచ్చని ఓ రెండు మూడు డిఫరెంట్ జోనర్స్ ట్రై చేసి అప్పుడు మళ్ళీ మాస్ మసాలాకు వద్దామని చెప్పినట్టు సమాచారం. ఇది నిజమో కాదో కానీ చర్చ అయితే జోరుగా నడుస్తోంది. ఒక కోణంలో చూస్తే రామ్ ఆలోచన మంచిదే. అసలే టాలీవుడ్ లో సీక్వెల్స్ కు నెగటివ్ సెంటిమెంట్ ఎక్కువగా ఉంది. ఒక్క బాహుబలి తప్ప ఇంకే కొనసాగింపు గొప్పగా ఆడలేదని చరిత్ర చెబుతోంది.

అలాంటప్పుడు డబుల్ ఇస్మార్ట్ ని పెండింగ్ లో పెట్టడమే కరెక్ట్. ఇప్పుడున్న వేడి తర్వాత ఉండదని అందుకే క్యాష్ చేసుకోవాలని పూరి ఆలోచనగా అతని టీమ్ నుంచి వస్తున్న న్యూస్. ప్రస్తుతానికి రామ్ తిరుమల కిషోర్ దర్శకత్వంలో స్వంత బ్యానర్ కు కమిట్ అయ్యాడు. అది పూర్తయ్యాక ఇంకో ఇద్దరు దర్శకులు పెండింగ్ లో ఉన్నారు. ఇవన్నీ పూర్తి చేసాక కానీ డబుల్ ఇస్మార్ట్ గురించి ఆలోచన చేసేలా లేడు రామ్. స్వయంగా క్లారిటీ ఇస్తే వీటికి పూర్తిగా చెక్ పడొచ్చు