ఫోటో స్టొరీ: రానాతో చిల్ అవుతున్న సుశాంత్!

అక్కినేని ఫ్యామిలీ నుండి వచ్చిన హీరో సుశాంత్ ఈ మధ్యనే 'చిలసౌ' సినిమాతో ప్రేక్షకులను మెప్పించాడు. సినిమా కమర్షియల్ గా సూపర్ హట్ కాలేదు అయినా సుశాంత్ కు మాత్రం మంచి పేరు తీసుకొచ్చింది. సుశాంత్ తన నెక్స్ట్ సినిమాను ఫైనలైజ్ చేసుకొనే ప్రయత్నాల్లో ఉన్నాడేమో తెలీదుగానీ ప్రస్తుతం అయితే ముంబైలో చిల్ అవుట్ అవుతున్నాడు.

రీసెంట్ గా తన ఇన్స్టాగ్రామ్ ద్వారా పూజా హెగ్డే.. రుహాని శర్మలతో కలిసి ఉన్న ఫోటోను పోస్ట్ చేసిన సుశాంత్ తాజాగా మరో ఫోటో పోస్ట్ చేశాడు. ఈ ఫోటోలో సుశాంత్ తో పాటుగా రానా దగ్గుబాటి.. పూజా హెగ్డేలు ఉన్నారు. ఈ ఫోటోకు "త్రీ ఈజ్ కంపెనీ" అని క్యాప్షన్ ఇచ్చాడు. ఇంగ్లీష్ లో 'టూ ఈజ్ కంపెనీ.. త్రీ ఈజ్ క్రౌడ్' అనే సామెత ఉంది. అంటే ముగ్గురు అంతకంటే ఎక్కువ ఉంటే రచ్చ అవుతుందని దానర్థం. కానీ ఈ 'చిలసౌ' హీరో మాత్రం ముగ్గురున్నా అది 'కంపెనీ' అనే అంటున్నాడు. మంచిదే.. డీసెంట్ ఫ్రెండ్స్ ఉన్నప్పుడు అలాగే ఉంటుంది.

ఈ ఫోటోలో రానా ఫుల్ గా గడ్డం పెంచి ముదురు ఖాకి రంగు చొక్కాలో ఫిడేల్ క్యాస్ట్రో టైపులో ఉన్నాడు. దయచేసి ఆయనెవరని అడక్కండి.. ! డీజే బ్యూటీ పూజ మాత్రం అందాల రాశిలా ఉంది. ఇంతకీ ఈ ముగ్గురూ ముంబైలో ఏం చర్చిస్తున్నారబ్బా?