ఇండియాకి రాబోతున్న టాలీవుడ్ హీరో భార్య పిల్లలు..

కరోనా భయంతో ప్రపంచ దేశాలు గడగడ వణికిపోతున్నాయి. రోజురోజుకి కరోనా వైరస్ వ్యాప్తి చెందుతుండటంతో జనాలలో భయాందోళనలు మొదలయ్యాయి. ఇప్పటికే అమెరికా వంటి దేశాలలో విస్తృతంగా వ్యాపిస్తున్న కరోనా మహమ్మారి ఇతర దేశాలను సైతం కంగారు పెట్టిస్తుంది. ఇంతవరకు వాక్సిన్ లేని ఈ కరోనా ఎప్పుడు ఎవరినీ చంపేస్తుందోనని జనాలు అల్లాడిపోతున్నారు. ఇండియాలో ఇప్పటికే కేంద్ర రాష్ట్ర ప్రభుత్వాలు లాక్ డౌన్ లో సడలింపులు ప్రకటించింది. రోజురోజుకి మరణాల సంఖ్య కూడా పెరుగుతూ వస్తుంది. ఇదివరకే హీరో మంచు విష్ణు సోషల్ మీడియాలో తన భార్య పిల్లల గురించి కన్నీళ్లు పెట్టుకున్న సంగతి తెలిసిందే. ఫిబ్రవరి నెలలో బంధువుకి సర్జరీ ఉందంటే విదేశాలకు వెళ్లిన తను వెంటనే ఇండియాకి వచ్చేసాడు.

ఇంతలో అక్కడి నుండి తన భార్య పిల్లలు బయలుదేరే టైంకి ఇండియాలో కరోనా జోరు పెరగడంతో ప్రభుత్వం లాక్ డౌన్ విధించింది. ఈ దెబ్బతో విమాన సర్వీసెస్ నిలిచిపోయాయి. భార్య విరానికా, పిల్లలు అరియనా.. వివియానా.. అవ్రామ్.. ఐరాలు అక్కడే ఉండిపోయారు. ఇక ఇప్పుడిప్పుడే లాక్‌డౌన్‌ని స‌డ‌లించ‌డంతో పాటు వందేభార‌త్ మిష‌న్ ద్వారా విదేశాల‌లో చిక్కుకున్న భార‌తీయుల‌ను ఇండియాకి తీసుకొస్తున్నారు. వందేభార‌త్ మిష‌న్ ద్వారా మంచు విష్ణు భార్య‌, పిల్ల‌లు సింగ‌పూర్ నుండి ఇండియాకి బ‌య‌లుదేరారు. ఈ విష‌యాన్ని విరానికా త‌న ట్విట్ట‌ర్ ద్వారా తెలిపింది. "వంద రోజుల త‌ర్వాత సింగపూర్ నుండి మా ఇంటికి వెళుతున్నాను. ఇంటికి చేరుకోవడానికి సాయ‌ప‌డ్డ ప్ర‌భుత్వంతో పాటు ఇత‌ర సంస్థ‌ల‌కి ఈ సంద‌ర్బంగా కృత‌జ్ఞ‌త‌లు" అంటూ ట్వీట్లో తెలిపారు. భార్య పిల్లలు ఇంటికి వస్తున్న వార్త తెలిసి హీరో విష్ణు సంతోషం వ్యక్తం చేస్తున్నట్లు సమాచారం.