హీరోయిన్-డైరెక్టర్.. రిపీటెడ్ కాంబోలు

హీరో-హీరోయిన్ - హీరో-డైరెక్టర్.. ఈ కాంబినేషన్ల కోసం ఇప్పటివరకూ మూవీ మేకర్స్ వెంపర్లాడేవారు. హిట్టు ఫార్ములాని రిపీట్ చేయాలనే కోరికే ఇందుకు కారణం. ఇప్పుడు హీరోయిన్- డైరెక్టర్ కాంబినేషన్ లు కూడా పెరుగుతున్నాయి. సక్సెస్ ఫుల్ కాంబోల్లో ఇప్పుడీ కొత్త కాన్సెప్ట్ కూడా స్టార్ట్ అయింది.

బాజీరావ్ మస్తానీ చిత్రంలో కాశీబాయి పాత్రతో ఆకట్టుకుంది ప్రియాంక చోప్రా. ప్రస్తుతం హాలీవుడ్ మూవీ బేవాచ్ షూటింగ్ లో బిజీగా ఉన్న పిగ్గీ ఛాప్స్.. ఇది పూర్తి కాగానే మళ్లీ సంజయ్ లీలా భన్సాలీ డైరెక్షన్ లో చేయనుందని సమాచారం. కాశీబాయ్ పాత్ర తెచ్చిన గుర్తింపే ఇందుకు కారణం.

ఆలియా భట్ కెరీర్ లో హంప్టీ శర్మకీ దుల్హనియా చెప్పుకోదగ్గ మూవీ. ఈ దర్శకుడు శశాంక్ ఖైతాన్ తన నెక్ట్స్ ప్రాజెక్ట్ బద్రీనాథ్ కీ దుల్హనియాలో కూడా ఆలియా భట్ నే హీరోయిన్ గా తీసుకొంటున్నాడు. హీరో వరుణ్ ధావన్ ని కూడా రిపీట్ చేయనుండడం విశేషం.

కంగనా రనౌత్ ని బాలీవుడ్ క్వీన్ గా మార్చేశాడు డైరెక్టర్ వికాస్ భల్. మరోసారి వీరి కాంబినేషన్ రిపీట్ కానుంది. అయితే, ఇది క్వీన్ సీక్వెల్ కాదు.

ఖూబ్ సూరత్ అంటూ సోనమ్ కపూర్ తో సినిమా తీశాడు దర్శకుడు శశాంకా ఘోష్. సోనమ్ యాక్టింగ్ చేయగలదని తొలిసారి జనాలకు తెలిసిన మూవీ ఇదే. 1998 మూవీ రన్ లోలా రన్ ను రీమేక్ చేసే యోచనలో ఉన్న ఈ డైరెక్టర్.. సోనమ్ తోనే వర్క్ చేయనున్నాడు.

ఆషికి2 తో మంచి గుర్తింపు సంపాదించింది శ్రద్ధా కపూర్. మోహిత్ సూరి దర్శకత్వంలో వచ్చింది ఈ మూవీ. ఇప్పుడు హాఫ్ గాళ్ ఫ్రెండ్ నవలను పిక్చరైజ్ చేస్తూ.. శ్రద్ధానే తీసుకున్నాడు ఈ డైరెక్టర్.

ఓసారి వర్క్ చేశాక.. ఆయా హీరోయిన్లకు తమకు ఏం కావాలో చెప్పడానికి రాపో ఏర్పడుతుందని, అందుకే డైరెక్టర్లు ఇలా కాంబినేషన్లు రిపీట్ చేస్తున్నారని అంటున్నారు.