కొరటాల సినిమాలో కొత్త పిల్లా??

మహేష్ బాబు-కొరటాల శివ సినిమా అఫీషియల్ గా స్టార్ట్ అయిపోయింది. జనవరి నెలాఖరు నుంచి సెట్స్ పైకి వెళ్లనున్న ఈ చిత్రానికి ప్రస్తుతం ప్రీ ప్రొడక్షన్ పనులు మొదలయ్యాయి. స్క్రిప్ట్ ఇప్పటికే లాక్ చేసేసుకున్న కొరటాల.. ఇప్పుడు హీరోయిన్ వేటలో పడినట్లుగా తెలుస్తోంది.

ఇప్పటివరకూ 3 సినిమాలు తీసిన కొరటాల శివ.. అన్నిసార్లు స్టార్ హీరోయిన్స్ పైనే డిపెండ్ అయ్యాడు. అయితే.. సూపర్ స్టార్ సినిమాకి మాత్రం కొత్త హీరోయిన్ ని పట్టుకొచ్చే యోచనలో ఉన్నాడట. కొత్త అంటే తెలుగోళ్లకు మాత్రమే కొత్త అనే పాయింట్ ను నోట్ చేసుకోవాల్సిందే. మహేష్ తో హీరోయిన్ కాంబినేషన్.. కెమిస్ట్రీ కొత్తగా ఉండడం కోసమే ఈ స్టెప్ తీసుకుంటున్నట్లు తెలుస్తోంది. ఇప్పటికే ఇద్దరు ముగ్గురు భామల పేర్లను కూడా మహేష్ కి సూచించాడట కొరటాల.

మూవీ షూటింగ్ ప్రారంభానికి ఇంకా రెండున్నర నెలల సమయం ఉండడంతో.. మహేష్ తొందరపడ్డం లేదని తెలుస్తోంది. హీరోయిన్ ఎంపిక.. మూవీకి ప్లస్ అవ్వాలని చూస్తున్నాడట సూపర్ స్టార్. అయితే.. కొత్త భామను పట్టుకొచ్చే విషయంలో మాత్రం పాజిటివ్ గానే మహేష్ బాబు.