మెగా ప్రిన్స్ సరసన ఆ హీరొయినా ?

గత ఏడాది టాప్ గ్రాసర్స్ లో ఒకటిగా నిలిచిన అరవింద సమేత వీర రాఘవలో హీరొయిన్ పూజా హెగ్డేకు చెల్లిగా నటించిన ఈశా రెబ్బాకు మరో బంపర్ ఆఫర్ తగలబోతున్నట్టు టాక్. వరుణ్ తేజ్-శ్రీ విష్ణు కాంబోలో దర్శకుడు హరీష్ శంకర్ ఇటీవలే వాల్మీకిని ప్రారంబించిన సంగతి తెలిసిందే. నాలుగేళ్ల క్రితం తమిళ్ లో బ్లాక్ బస్టర్ గా నిలిచిన జిగర్ తండకు ఇది రీమేక్. శ్రీవిష్ణుని ఇంకా అధికారికంగా ప్రకటించలేదు కాని ఆల్మోస్ట్ ఓకే అయ్యిందని టాక్.

ఇదిలా ఉంచితే కీలకమైన హీరొయిన్ పాత్ర కోసం ఈశా రెబ్బను సంప్రదించినట్టుగా లేటెస్ట్ అప్ డేట్. మరీ గ్లామర్ ఆరబోసె పాత్ర కాకపోవడంతో మంచి పెర్ఫార్మన్స్ ఇవ్వగల ఈశా అయితేనే బెటర్ ఛాయస్ గా నిలుస్తుందన్న ఉద్దేశంతో హరీష్ శంకర్ తనను ఎంచుకున్నట్టు తెలిసింది. కోరీ మరీ మెగా హీరో పక్క ఛాన్స్ వస్తే ఈశా మాత్రం ఎందుకు వద్దు అంటుంది. అయితే ఇది నిజమా కదా అనే నిర్ధారణ ఇంకా కావాల్సి ఉంది. ఇప్పటిదాకా క్రేజీ హీరొయిన్లతో నటిస్తూ వచ్చిన వరుణ్ తేజ్ ఇప్పుడు ఈశా పక్కన ఓకే చెబుతాడా అనేది వేచి చూడాలి.

ఎఫ్2లో మెహ్రీన్-అంతరిక్షంలో అదితి రావు హైదరి-తొలిప్రేమలో రాశి ఖన్నా- ఫిదాలో సాయి పల్లవి ఇలా వరుణ్ తో చేసిన అందరూ మంచి ఫాం డిమాండ్ లో ఉన్న బ్యూటీస్. వాళ్ళతో పోలిస్తే ఈశా రెబ్బ సరితూగదు. పైగా ఇటీవలే సుమంత్ తో సుబ్రమణ్యపురం లాంటి చిన్న సినిమాలు కూడా చేసింది. ఈ నేపధ్యంలో వరుణ్ తేజ్ కథ డిమాండ్ మేరకు సై అంటాడా లేక తన ఛాయస్ ఏదైనా చెబుతాడా వేచి చూడాలి. ఎఫ్2 బ్లాక్ బస్టర్ కిక్ తో వరుణ్ ఫుల్ జోష్ లో ఉన్నాడు. వాల్మీకిలో కొంత నెగటివ్ షేడ్స్ ఉన్నప్పటికీ తనలో నటుడికి ఛాలెంజ్ అవుతుందనే ఉద్దేశంతోనే దీనికి ఒప్పుకున్నట్టు తెలిసింది