బాలయ్య భామలెవరూ ఖరారవలేదు

బాలయ్య 'లయన్‌' షూటింగ్‌లో ఉండగానే ఆయన తర్వాతి సినిమాకు చకచకా రంగం సిద్ధమైపోయింది. శ్రీవాస్‌ దర్శకత్వంలో తెరకెక్కే ఈ సినిమాకు కోన వెంకట్‌, గోపీమోహన్‌ కథ, స్క్రీన్‌ప్లే అందిస్తున్న సంగతి తెలిసిందే. మేలో సెట్స్‌ మీదికి వెళ్లబోతున్న ఈ సినిమాలో బాలయ్య సరసన నయనతార మెయిన్‌ హీరోయిన్‌గా ఎంపికైందని.. అంజలి కూడా బాలయ్య సరసన నటించబోతోందని వార్తలొచ్చాయి. ఐతే ఇంకా ఈ సినిమాకు హీరోయిన్లను ఖరారు చేయలేదని స్పష్టం చేశాడు డైరెక్టర్‌ శ్రీవాస్‌.

ఈ సినిమాలో ఇద్దరు హీరోయిన్లుంటారన్నది వాస్తవమేనని.. ఐతే ఇప్పటిదాకా ఎవరినీ ఖరారు చేయలేదని శ్రీవాస్‌ వెల్లడించాడు. కొందరు హీరోయిన్లతో చర్చలు జరుపుతున్నామని.. షూటింగ్‌ మొదలుపెట్టే ముందు హీరోయిన్లెవరన్నది వెల్లడిస్తామని చెప్పాడు శ్రీవాస్‌. ఐతే శ్రీవాస్‌ అండ్‌ టీమ్‌ రకుల్‌ ప్రీత్‌ సింగ్‌తోనూ చర్చలు జరుపుతున్నట్లు వార్తలొస్తున్నాయి. ఐతే బాలయ్య సరసన రకుల్‌ మరీ యంగ్‌గా ఉంటుందని.. సూటవ్వదన్న అభిప్రాయం వినిపిస్తోంది. సీనియర్‌ హీరోలందరికీ ఉన్నట్లే బాలయ్యకు కూడా హీరోయిన్లను ఎంచుకోవడం ఇబ్బంది అవుతోంది.