ప్రభాస్ కోసం స్పీడుగా వెతికేస్తున్నారు

బాహుబలి హీరో ప్రభాస్.. మరి కొన్ని రోజుల్లోనే ఆ సుదీర్ఘమైన ప్రాజెక్టుకు టాటా చెప్పేయబోతోన్నాడు. దాదాపు నాలుగేళ్ల పాటు బాహుబలికి మాత్రమే కేటాయించిన యంగ్ రెబల్ స్టార్.. ఇప్పుడు కొత్త సినిమాను కూడా మొదలు పెట్టేయనున్నాడు. రన్ రాజా రన్ ఫేమ్ సుజిత్ దర్శకత్వంలో.. యాక్షన్ మూవీని మొదలుపెట్టేందుకు ప్రభాస్ సిద్ధమైపోతున్నాడు.

150 కోట్ల భారీ బడ్జెట్ తో రూపొందనున్న ఈ చిత్రం కోసం.. ఇప్పుడు హీరోయిన్ ని వెతుకుతున్నారు దర్శక నిర్మాతలు. ప్రభాస్ కి జోడీగా కొత్త అమ్మాయిని చూపించాలన్నది వీరి ఆలోచన. ఫ్రెష్ కాంబినేషన్ తో అలరించడానికి ప్రయత్నాలు సాగుతున్నాయి. ప్రీ ప్రొడక్షన్ పనులు మొదలుపెట్టే కంటే ముందే.. హీరోయిన్ ను ఎంపిక చేసేస్తారట. ఇప్పటికే పలువురు బాలీవుడ్ హీరోయిన్లను కూడా సంప్రదించారనే టాక్ ఉంది.

ప్రస్తుతం స్క్రిప్ట్ కు తుది రూపు ఇస్తున్న దర్శకుడు సుజిత్.. బాలీవుడ్ నటుడు నీల్ నితిన్ ను కీలకమైన పాత్ర కోసం తీసుకున్నారు. మరోవైపు శంకర్-ఎహసాన్-లాయ్ లకు సంగీత దర్శకత్వ బాధ్యతలు అప్పగిస్తున్నారనే టాక్ వినిపిస్తోంది.

Like Us on Facebook : https://www.facebook.com/Tupakidotcom/