సైమాలో భామల సయ్యాట

సైమా వేడుక అంటే ఓ కన్నుల పండువ. ప్రతియేటా దుబాయ్‌ లో అంగరంగ వైభవంగా సాగే అవార్డు వేడుకలు ఇవి. ఈ ఏడాది కూడా ఈ వేడుకలకు రంగం సిద్ధమైంది. ఈ గురు, శుక్ర రెండు రోజుల్లో సైమా సంబరాలు ఆకాశాన్ని అంటే రేంజు లో నిర్వహిస్తున్నారు. ఇందులో అందాల భామల ఆటాపాటా కనువిందు చేయబోతోంది.

దేవీ శ్రీప్రసాద్‌ ఆటా పాటా, రానా (బ్రాండ్‌ అంబాసిడర్‌) ప్రచారం దుబాయ్‌ వేడుకలకు ప్రత్యేక ఆకర్షణలు. బాహుబలితో భళ్లాలదేవుడిగా అదరగొట్టేశాడు కాబట్టి రెట్టించిన కాన్ఫిడెన్స్‌ తో రానా దుబాయ్‌ లో అడుగుపెట్టాడు. శ్రీయ, తాప్సీ, సంజన, నిక్కీ గర్లానీ, కృతి కర్భంద, ప్రణీత, అదాశర్మ, పూజా హెగ్డే ఇలా అందాల భామలంతా వేడుకల్లో సూపర్‌ హిట్‌ సాంగ్స్‌ లో నర్తించడానికి రెడీ అవుతున్నారు. పాటల మెడ్లీస్‌ చేయడానికి ప్రాక్టీస్‌ చేస్తున్నారు.

అయితే దుబాయ్‌ లో జరుగుతున్న ఈ వేడుకలకు మరీ అంత గుర్తింపు ఉన్న భామలెవరూ వెళ్తున్నట్టు కనిపించడం లేదు. రకూల్‌ ప్రీత్‌సింగ్‌, రాశీ ఖన్నా, నయనతార, కాజల్‌ వంటి వారి పేర్లు వినిపించడ లేదు. కారణం ఏదైనా నవతరం నాయికల దూకుడు అవార్డు కార్యక్రమాల్లో పెరుగుతోంది అనడానికి ఇదే నిదర్శనం. ఎవ్రీ డాగ్‌ హాజ్‌ ఏ డే.