ఒక్కడి కోసం ఇంతమంది హీరోయిన్లా?

స్పీడున్నోడు ఆడియో ఫంక్షన్ ని హైద్రాబాద్ లో మహా గ్లామర్ గా నిర్వహించారు. ఫంక్షన్ అంటే గ్రాండ్ గా నిర్వహించారు అనాలి కానీ.. ఈ వేడుకను మాత్రం గ్లామర్ ఫంక్షన్ అనే అనాలి. ఎందుకంటే.. మరి అక్కడ కనిపించిన అందాలు అలాంటివి మరి. ఏ సినిమా ఆడియో ఫంక్షన్ అయినా, ఆ సినిమా హీరోయిన్ లో నటించిన వాళ్లో కనిపిస్తారు. కానీ బెల్లంకొండ శ్రీనివాస్ నటించిన స్పీడున్నోడు పాటల వేడుకలో మాత్రం కుర్ర హీరోయిన్లు అందరూ క్యూ కట్టేశారు.

అసలు స్పీడున్నోడు హీరోయిన్ సోనారికా భడోరియా. ఈమె మాత్రం ఫంక్షన్ కి రాలేదు. ప్రస్తుతం ఈమె ఫారిన్ షూట్ లో ఉండడంతో వీలు పడలేదు. ఐటెం సాంగ్ చేసిన మిల్కీ బ్యూటీ తమన్నా మాత్రం చక్కగా ముస్తాబై వచ్చేసింది. మరి హీరోయిన్ లేకపోతే, ఆడియన్స్ ఫీలవుతారు కదా.. అందుకే ఆ లోటు తెలీకుండా ఓ అరడజన్ మందిని వేడుకకు పిలిచేశారు. యంగ్ హీరోయిన్స్ గా వెలిగిపోతున్న వాళ్లంతా ఈ వేదికపై సందడి చేయడం విశేషం.

రకుల్ ప్రీత్ సింగ్ - రెజీనా కసాండ్రా - సాక్షి చౌదరి - కేథరెన్ థెరెసా - తేజస్విని.. వీళ్లందరితో పాటు తమన్నా.. అర డజన్ మంది భామల మధ్యలో బెల్లంకొండ శ్రీనివాస్.. భలే చూడమచ్చటగా ఉంది విజువల్. ఏమైనా ఒక్క కుర్రాడి కోసం ఇంతమంది హీరోయిన్లను ఒకే స్టేజ్ పైకి తెచ్చారంటే ఆర్గనైజర్స్ కి నిజంగా సలాం కొట్టాల్సిందే. చూస్తుంటే వీరందరి మధ్య ఈ బెల్లంకొండ యంగ్ మన్మధుడిలా కనిపిస్తున్నాడు.