ఫేడ‌వుట్ బ్యూటీస్ ఈ పార్టీలేంటి?

హైద‌రాబాద్ ని అమ్మ‌మ్మ‌ల పార్టీ అట్టుడికించింది. భామ్మ‌లంతా ఒకే వేదిక‌పై చిలౌట్ చేసారు!! ప్ర‌స్తుతం టాలీవుడ్ ని వేడెక్కిస్తున్న హాట్ డిబేట్ ఇది. ఇంత‌కీ ఏమా పార్టీ క‌థ‌.. ఈ పార్టీలో చిలౌట్ చేసిన భామ‌లు ఎవ‌రెవ‌రు.. అంటారా? అయితే వివ‌రాల్లోకి వెళ్లాల్సిందే.

90ల‌లో `పెళ్లి సంద‌డి` సినిమాతో తెలుగు వారి గుండెలు కొల్ల‌గొట్టిన దీప్తి భ‌ట్నాగ‌ర్ చాలా కాలానికి తెలుగు ప్రేక్ష‌కుల్ని అల‌రించేందుకు రెడీ అవుతోంది. ద‌ర్శ‌కేంద్రుడు కె.రాఘ‌వేంద్రరావు డిస్క‌వ‌రీగా ఇంకా తెలుగు వారికి గుర్తున్న ఈ భామ నాభి సౌంద‌ర్యానికి ఫిదా అవ్వ‌ని కుర్రాళ్లే లేరు. అయితే లేటుగా అయినా లేటెస్టుగా బ‌రిలో దిగుతోంది ఈ ఫేడ‌వుట్ బ్యూటీ. మ‌రో బ్యూటీ `ప్రేమ పావురాలు` ఫేం భాగ్య‌శ్రీ చాలా కాలానికి ముఖానికి రంగేసుకోవ‌డం ఆస‌క్తిక‌రం. రోజా ఫేం మ‌ధుబాల ఇటీవ‌ల క్యారెక్ట‌ర్ ఆర్టిస్టుగా ప్ర‌య‌త్నించిన సంగ‌తి తెలిసిందే. ఫేడ‌వుట్ అయ్యాక ఒక్క ఛాన్స్ ప్లీజ్ అంటూ బ‌రిలో దిగుతోంది. ఇత‌ర ఫేడ‌వుట్ బ్యూటీలు సుమ‌న్ రంగ‌నాథ్ .. స‌దా .. పూజా జ‌వేరి.. తాజాగా ఈ లేడీ ఓరియెంటెడ్ చిత్రంలో న‌టించ‌డం ఆస‌క్తిక‌ర చ‌ర్చ‌కు తావిచ్చింది.

ఈ లేటు వ‌య‌సు భామ‌లంతా క‌లిసి న‌టించిన ఈ సినిమా టైటిల్ `కిట్టి పార్టీ`. బుధ‌వారం నాడు టైటిల్ ఆవిష్క‌ర‌ణ కార్య‌క్ర‌మంలో భామ‌లంతా ఒకే ఫ్రేమ్ లో క‌నిపించి షాకిచ్చారు. అమ్మ‌మ్మ‌లే అయినా వేడెక్కించారు అంటూ హైద‌రాబాద్ ప్రెస్ మీట్లో మీడియా గుస‌గుస‌లు వినిపించాయి. ఫీమేల్‌ బడ్డీ డ్రామా ‘కిట్టి పార్టీ’ అంటూ లోగో ఆవిష్క‌ర‌ణ చేసారు. సుందర్‌ పవన్ ఈ చిత్రంతో దర్శకుడిగా పరిచయం అవుతున్నారు. ఇదే చిత్రంలో హ‌ర్ష‌వ‌ర్ధ‌న్ రాణే, హ‌రితేజ ఇత‌ర ప్ర‌ధాన పాత్ర‌లు పోషిస్తున్నారు. మేల్ డామినేటెడ్ ప‌రిశ్ర‌మ‌లో ఫీమేల్ సినిమా తీస్తున్నందుకు ద‌ర్శ‌క‌నిర్మాత‌లను స‌ద‌రు భామ‌లు అభినందించారు. ఒక్క మ‌గువ‌తోనే ప‌డ‌డం క‌ష్టం. అలాంటిది ఇంత‌మంది భామ‌ల‌ను మ్యానేజ్ చేయ‌డంలో ద‌ర్శ‌కుని ప‌నిత‌నం గ్రేట్.. అంటూ సుంద‌ర్ పవ‌న్ స‌ద‌రు భామ‌ల నుంచి ప్ర‌శంస‌ను అందుకున్నారు. ఆల్ ఫేడ‌వుట్ భామ‌ల‌తో ఈ పార్టీలేంటో.. కాస్త ఆగి చూస్తే కానీ తెలీదు.