క‌మ‌ల్ ద‌ర్శ‌కుడిపైనే స్టార్ హీరోల క‌న్ను!

ఇండ‌స్ట్రీలో బ్లాక్ బ‌స్ట‌ర్ హిట్టిచ్చిన డైరెక్ట‌ర్ తో సినిమా అంటే ప్ర‌తీ హీరో ఆస‌క్తిని చూపిస్తుంటారు. ఇప్పుడు మ‌న టాలీవుడ్ స్టార్స్ చాలా వ‌ర‌కు ఓ క్రేజీ డైరెక్ట‌ర్ తో సినిమా చేయాల‌ని ఆస‌క్తిగా ఎదురుచూస్తున్నారు. త‌నే త‌మిళ ద‌ర్శ‌కుడు లోకేష్ క‌న‌గ‌రాజ్‌. యూనివ‌ర్స‌ల్ స్టార్ క‌మ‌ల్ హాస‌న్ దాదాపు నాలుగేళ్ల విరామం త‌రువాత చేసిన మూవీ 'విక్ర‌మ్‌'. 1986లో వ‌చ్చిన క‌మ‌ల్ 'విక్ర‌మ్' మూవీకి సీక్వెల్ గా లోకేష్ క‌న‌గ‌రాజ్ ఈ భారీ యాక్ష‌న్ థ్రిల్ల‌ర్ ని తెర‌కెక్కించాడు.

లోకేష్ క‌న‌గ‌రాజ్ సినిమాటిక్ యూనివ‌ర్స్ అనే కాన్సెప్ట్ తో అత్యంత భారీ స్థాయిలో యాక్ష‌న్ థ్రిల్ల‌ర్ గా రూపొందిన ఈ మూవీ జూన్ లో విడుద‌లై త‌మిళ‌, తెలుగు, హిందీ భాష‌ల్లో బ్లాక్ బ‌స్ట‌ర్ హిట్ గా నిలిచి సంచల‌నం సృష్టించింది. ఇండియ‌న్ బాక్సాఫీస్ వ‌ద్ద క‌మ‌ల్ కెరీర్ లోనే అత్య‌ధిక వ‌సూళ్ల‌ని రాబ‌ట్టిన సినిమాగా నిలిచింది. ఈ మూవీలో క‌మ‌ల్‌, ఫ‌హ‌ద్ ఫాజిల్‌, విజ‌య్ సేతుప‌తిల పాత్ర‌ల‌ని మ‌లిచిన తీరు.. అనిరుధ్ బీజీఎమ్ ప్రేక్ష‌కుల‌తో పాటు సెల‌బ్రిటీల‌ని కూడా క‌ట్టిప‌డేశాయి.

దీంతో లోకేష్ క‌న‌గరాజ్ డైరెక్ష‌న్ లో సినిమా చేచ‌యాల‌ని టాలీవుడ్ టాప్ స్టార్స్ ఎదురుచూస్తున్నారు. అయితే ఇందులో ముందు వ‌రుస‌లో మాత్రం మెగా ప‌వ‌ర్ స్టార్ రామ్ చ‌ర‌ణ్ నిలిచిన‌ట్టుగా తెలుస్తోంది. ప్ర‌స్తుతం రామ్ చ‌ర‌ణ్ .. శంక‌ర్ డైరెక్ష‌న్ లో ఓ భారీ మూవీని చేస్తున్న విష‌యం తెలిసిందే.

దీని త‌రువాత వెంట‌నే గౌత‌మ్ తిన్న‌నూరి తో సినిమా చేయాలి. యువీ క్రియేష‌న్స్ ఈ ప్రాజెక్ట్ ని నిర్మించాల‌నుకున్నారు. అయితే తాజా స‌మీక‌ర‌ణాల నేప‌థ్యంలో గౌత‌మ్ తిన్న‌నూరి ప్రాజెక్ట్ ని రామ్ చ‌ర‌ణ్ ప‌క్క‌న పెట్టిన‌ట్టుఆ వార్త‌లు వినిపిస్తున్నాయి.

ఆ ప్రాజెక్ట్ స్థానంలో లోకేష్ క‌న‌గ‌రాజ్ తో భారీ ప్రాజెక్ట్ ని చేయాల‌ని రామ్ చ‌ర‌ణ్ నిర్ణ‌యించుకున్నార‌ట‌. యువీ క్రియేష‌న్స్ కూడా ఇందుకు గ్రీన్ సిగ్న‌ల్ ఇచ్చిన‌ట్టుగా తెలుస్తోంది.'విక్ర‌మ్‌' బ్లాక్ బ‌స్ట‌ర్ త‌రువాత లోకేష్ క‌న‌గ‌రాజ్ , చ‌ర‌ణ్ ప్ర‌త్యేకంగా క‌లిసి డిన్న‌ర్ చేశార‌ట‌. ఇదే స‌మ‌యంలో వారిద్ద‌రి మ‌ధ్య సినిమా ప్రాజెక్ట్ గురించి ఎలాంటి టాపిక్ రాన‌ప్ప‌టికి లోకేష్ మాత్రం ఓ ఇంట‌ర్వ్యూలో రామ్ చ‌ర‌ణ్ తో సినిమా చేయాల‌ని వుంద‌ని వెల్ల‌డించ‌డం విశేషం.

లోకేష్ క‌న‌గ‌రాజ్‌, చ‌ర‌ణ్ మ‌ధ్య గత కొంత కాలంగా మంచి అనుబంధం కొన‌సాగుతోంది. అందులో భాగంగానే చ‌ర‌ణ్ త‌న‌తో సినిమా చేయాల‌ని నిర్ణ‌యించుకున్నాడ‌ని వార్త‌లు వినిపిస్తున్నాయి. త్వ‌ర‌లో లోకేష్ క‌న‌గ‌రాజ్ .. విజ‌య్ హీరోగా ఓ భారీ మూవీని ప్రారంభించ‌బోతున్నాడు. ఆ త‌రువాత కార్తితో 'ఖైదీ 2', క‌మ‌ల్ తో 'విక్ర‌మ్ 2' చేయాలి. అయితే విజ‌య్ తో సినిమా పూర్త‌య్యాక లోకేష్ క‌న‌గ‌రాజ్ ..చ‌ర‌ణ్ ప్రాజెక్ట్ ని ప‌ట్టాలెక్కించినా ఆశ్చ‌ర్యం లేద‌ని ఇన్ సైడ్ టాక్‌.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.