'FCUK' నుంచి 'హే హుడియా..' ఆడియో సాంగ్..!

జగపతి బాబు - రామ్ కార్తీక్ - అమ్ము అభిరామి(తమిళ్ 'అసురన్' ఫేమ్) - సహశ్రిత ప్రధాన పాత్రలు పోషించిన చిత్రం ''FCUK'' (ఫాదర్ - చిట్టి - ఉమ - కార్తీక్). ఈ రొమాంటిక్ కామెడీ ఎంటర్ టైనర్ కి విద్యాసాగర్ రాజు దర్శకత్వం వహించారు. శ్రీ రంజిత్ మూవీస్ బ్యానర్ పై ఎల్. దామోదర్ ప్రసాద్ నిర్మించారు. ఇప్పటికే నిర్మాణానంతర కార్యక్రమాలు పూర్తి చేసుకున్న ఈ చిత్రాన్ని ఫిబ్రవరి 12న ప్రేక్షకుల ముందుకు తీసుకురానున్నారు. ఈ నేపథ్యంలో ప్రమోషన్స్ స్పీడ్ పెంచిన చిత్ర యూనిట్ ఇటీవలే 'FCUK' టీజర్ ని విడుదల చేసింది. ఈ క్రమంలో తాజాగా సినిమాలోని 'హే హుడియా' అనే సాంగ్ ఫుల్ ఆడియోని విడుదల చేశారు.

'హే హుడియా ప్రేమలో పడిపోయా.. ఈ గడియా ప్రేమికుడైపోయా.. ఓ చెలియా నీదే ఈ మాయ.. నా సఖియా నిజమా ఇది కలయా..' అంటూ సాగిన ఈ పాటకు భీమ్ సిసిరీలియో స్వరాలు సమకూర్చారు. లిరిసిస్ట్ ఆదిత్య అందించిన సాహిత్యాన్ని సింగర్ షాహిద్ చక్కగా ఆలపించారు. ఈ సాంగ్ వీడియోని ఫిబ్రవరి 6న విడుదల చేస్తున్నట్లు చిత్ర బృందం వెల్లడించింది. 'FCUK' (ఫాదర్ - చిట్టి - ఉమ - కార్తీక్) చిత్రానికి శివ.జి సినిమాటోగ్రఫీ అందించగా.. కిషోర్ మద్దాలి ఎడిటింగ్ వర్క్ చేశారు. ఈ చిత్రంలో అలీ - దగ్గుబాటి రాజా - కళ్యాణి నటరాజన్ - బ్రహ్మాజీ - కృష్ణ భగవాన్ - రజిత - జబర్దస్త్ రామ్ ప్రసాద్ - నవీన్ - వెంకీ - రాఘవ - భరత్ తదితరులు ఇతర పాత్రల్లో నటించారు.