స్పైడర్ కు ఈ సీనే హైలైటా?

మహేష్ బాబు లేటెస్ట్ మూవీ స్పైడర్ రిలీజ్ కు మరో 10 రోజుల గ్యాప్ మాత్రమే ఉంది. స్పైడర్ పై తెలుగుతో పాటు తమిళ్ లోనూ బోలెడన్ని అంచనాలు ఉన్నాయి. ఈ మూవీతో మహేష్ బాబు కోలీవుడ్ లో కూడా పాగా వేస్తాడని ఎక్స్ పెక్టేషన్స్ ఉండగా.. ఈ చిత్రానికి ఇప్పటికే బోలెడంత క్రేజ్ ఉంది. ఇప్పుడు హైప్ మరింతగా పెంచేందుకు గాను.. మేకర్స్ రకరకాల టెక్నిక్స్ ఫాలో అవుతున్నారు.

ఇప్పటివరకూ హీరో హీరోయిన్స్ పోస్టర్లతో ఆకట్టుకున్న స్పైడర్ యూనిట్.. ఇప్పుడు తొలిసారిగా హీరో-విలన్ ఫేస్ టు ఫేస్ సీన్ నుంచి ఓ పోస్టర్ ను ఇచ్చారు. ఈ పోస్టర్ చూస్తుంటే.. మురుగదాస్ స్టైల్ సన్నివేశం అనిపించక మానదు. సహజంగా.. ఈ కోలీవుడ్ డైరెక్టర్ తీసే సినిమాల్లో.. హీరో-విలన్ ఎదురెదురుగా వచ్చే సన్నివేశం.. క్లైమాక్స్ మినహాయిస్తే ఒకటే ఉంటుంది. అధి కూడా సెకండాఫ్ లో వస్తూంటుంది. ఇక్కడ స్పైడర్ లో కూడా ఇదే టెంప్లేట్ ఫాలో అయినట్లుగా ఉన్నారు. హీరో మహేష్ బాబు.. విలన్ ఎస్ జే సూర్య మధ్య వచ్చే ఈ సన్నివేశంలో.. ఈ నటులిద్దరూ పోటీ పడి మరీ యాక్టింగ్ చేసేశారట.

ఓ జైల్ లో ఇంటరాగేషన్ సీన్ మాదిరిగా అనిపిస్తున్నా.. ఇక్కడ స్పై పాత్ర పోషిస్తున్న మహేష్ సీరియస్ లుక్స్ తో ఉంటే.. సూర్య మాత్రం తన నవ్వుతోనే తెగ విసిగించేస్తున్నట్లుగా అనిపించక మానదు. అయితే.. ఉగ్రదాడులకు సంబంధించిన ఇన్ఫర్మేషన్ సేకరించాలనే ఉద్దేశ్యంతో ఓపిక పట్టే సన్నివేశం ఇది అని తెలిస్తోంది. అయితే.. ఈ సీన్ ను ఇఫ్పటికే హాలీవుడ్ మూవీలో బ్యాట్ మ్యాన్ వర్సెస్ జోకర్ వచ్చే సీన్ మాదిరిగా ఉందంటూ నెటిజన్లు పోలిక తెచ్చేస్తున్నారు. జైల్ సెటప్ అలాగే ఉండడమే ఇందుకు కారణం. అయితే.. సినిమా మొత్తానికి హైలైట్ సీన్స్ లో ఇది మేటిగా నిలుస్తుందట.