Begin typing your search above and press return to search.
ఫ్యాన్సీ రేటుకు మెగా అల్లుడి ‘కిన్నెరసాని’ హిందీ రీమేక్ రైట్స్..!
By: Tupaki Desk | 17 Dec 2021 4:30 PM GMT
మెగా అల్లుడు కళ్యాణ్ దేవ్ హీరోగా నటిస్తున్న తాజా చిత్రం ''కిన్నెరసాని''. 'అశ్వథ్థామ' ఫేమ్ రమణ తేజ్ దర్శకత్వం వహిస్తున్న ఈ సినిమాకి 'అతి సర్వత్ర వర్జయత్' (హద్దు లేకపోవడం ప్రమాదకరం) అనేది ఉప శీర్షిక. మిస్టరీ థ్రిల్లర్ కథాంశంతో తెరకెక్కిన ఈ మూవీ.. ప్రమోషనల్ కంటెంట్ తోనే ఆకర్షించింది. ఈ నేపథ్యంలో విడుదలకు ముందే ఈ సినిమా హిందీ రీమేక్ రైట్స్ ఫ్యాన్సీ రేటుకు అమ్ముడయ్యాయనే వార్తలు వినిపిస్తున్నాయి.
'కిన్నెరసాని' చిత్రాన్ని ప్రముఖ నిర్మాత రామ్ తళ్లూరి నిర్మాణ సారథ్యంలో ఎస్.ఆర్.టి ఎంటర్టైన్మెంట్స్ - శుభమ్ ఎంటర్టైన్మెంట్స్ బ్యానర్స్ పై రూపొందిస్తున్నారు. ఇప్పటికే విడుదలైన ప్రచార చిత్రాలు విశేష స్పందన తెచ్చుకుని.. సినిమాపై ఆసక్తిని రెట్టింపు చేశాయి. టైటిల్ లుక్ పోస్టర్ లో సినిమా కథాంశం ప్రతిభింబించేలా ప్రశాంతమైన సముద్రపు ఒడ్డు - యాట్ - గొలుసులు - తాళం వంటి ఎలిమెంట్స్ జోడించి చూపించారు.
అలానే ఫస్ట్ గ్లిమ్స్ - థీమ్ ఆఫ్ కిన్నెరసాని - టీజర్ - 'పార్వతీపురం' పాట ప్రేక్షకులను అలరించాయి. విడుదలకు ముందే క్రేజ్ తెచ్చుకున్న 'కిన్నెరసాని' హిందీ రీమేక్ హక్కులను 'మణికర్ణిక' లాంటి సూపర్ హిట్ సినిమాను నిర్మించిన ప్రొడక్షన్ హౌజ్ తీసుకున్నట్లు తెలుస్తోంది. ఇప్పటికే మాటలు కూడా పూర్తవ్వగా.. త్వరలోనే రీమేక్ కు సంబంధించిన అప్డేట్స్ బయటికి రానున్నాయి. ఏదేమైనా రిలీజ్ కు ముందే ఈ చిత్రాన్ని చూసి రీమేక్ చేయడానికి నిర్మాతలు ఆసక్తి చూపిస్తుండటం విశేషమనే చెప్పాలి.
కాగా, ''కిన్నెరసాని'' చిత్రానికి దేశరాజ్ సాయితేజ్ స్టోరీ - స్క్రీన్ ప్లే అందిస్తున్నారు. గతంలో సాయితేజ్ 'కల్కి' చిత్రానికి కథ అందించిన సంగతి తెలిసిందే. అలానే 'ఛలో' 'భీష్మ' లాంటి బ్లాక్ బస్టర్ చిత్రాలకి సంగీతాన్ని అందించిన మహతి స్వర సాగర్ ఈ సినిమాకు సంగీతాన్ని సమకూర్చారు. దినేష్ కె బాబు సినిమాటోగ్రఫీ అందించగా.. అన్వర్ అలీ ఎడిటింగ్ వర్క్ చేస్తున్నారు. అన్బు అరీవ్ యాక్షన్ కొరియోగ్రఫీ చేశారు.
సాయి రిషిక సమర్పణలో రజనీ తళ్లూరి - రవి చింతల ఈ సినిమాకు నిర్మాతలుగా వ్యవహరిస్తున్నారు. ఈ చిత్రంలో రవీంద్ర విజయ్ - ఆన్ శీతల్ - మహతి బిక్షు - కాశిష్ ఖాన్ తదితరులు ఇతర పాత్రలు పోషించారు. ప్రస్తుతం 'సూపర్ మచ్చి' అనే కమర్షియల్ ఎంటర్టైనర్ లో నటిస్తున్న కళ్యాణ్ దేవ్ నుంచి మూడో సినిమాగా ''కిన్నెరసాని'' ప్రేక్షకుల ముందుకు రాబోతుంది. మెగా అల్లుడికి ఈ చిత్రం ఎలాంటి విజయాన్ని అందిస్తుందో చూడాలి.
'కిన్నెరసాని' చిత్రాన్ని ప్రముఖ నిర్మాత రామ్ తళ్లూరి నిర్మాణ సారథ్యంలో ఎస్.ఆర్.టి ఎంటర్టైన్మెంట్స్ - శుభమ్ ఎంటర్టైన్మెంట్స్ బ్యానర్స్ పై రూపొందిస్తున్నారు. ఇప్పటికే విడుదలైన ప్రచార చిత్రాలు విశేష స్పందన తెచ్చుకుని.. సినిమాపై ఆసక్తిని రెట్టింపు చేశాయి. టైటిల్ లుక్ పోస్టర్ లో సినిమా కథాంశం ప్రతిభింబించేలా ప్రశాంతమైన సముద్రపు ఒడ్డు - యాట్ - గొలుసులు - తాళం వంటి ఎలిమెంట్స్ జోడించి చూపించారు.
అలానే ఫస్ట్ గ్లిమ్స్ - థీమ్ ఆఫ్ కిన్నెరసాని - టీజర్ - 'పార్వతీపురం' పాట ప్రేక్షకులను అలరించాయి. విడుదలకు ముందే క్రేజ్ తెచ్చుకున్న 'కిన్నెరసాని' హిందీ రీమేక్ హక్కులను 'మణికర్ణిక' లాంటి సూపర్ హిట్ సినిమాను నిర్మించిన ప్రొడక్షన్ హౌజ్ తీసుకున్నట్లు తెలుస్తోంది. ఇప్పటికే మాటలు కూడా పూర్తవ్వగా.. త్వరలోనే రీమేక్ కు సంబంధించిన అప్డేట్స్ బయటికి రానున్నాయి. ఏదేమైనా రిలీజ్ కు ముందే ఈ చిత్రాన్ని చూసి రీమేక్ చేయడానికి నిర్మాతలు ఆసక్తి చూపిస్తుండటం విశేషమనే చెప్పాలి.
కాగా, ''కిన్నెరసాని'' చిత్రానికి దేశరాజ్ సాయితేజ్ స్టోరీ - స్క్రీన్ ప్లే అందిస్తున్నారు. గతంలో సాయితేజ్ 'కల్కి' చిత్రానికి కథ అందించిన సంగతి తెలిసిందే. అలానే 'ఛలో' 'భీష్మ' లాంటి బ్లాక్ బస్టర్ చిత్రాలకి సంగీతాన్ని అందించిన మహతి స్వర సాగర్ ఈ సినిమాకు సంగీతాన్ని సమకూర్చారు. దినేష్ కె బాబు సినిమాటోగ్రఫీ అందించగా.. అన్వర్ అలీ ఎడిటింగ్ వర్క్ చేస్తున్నారు. అన్బు అరీవ్ యాక్షన్ కొరియోగ్రఫీ చేశారు.
సాయి రిషిక సమర్పణలో రజనీ తళ్లూరి - రవి చింతల ఈ సినిమాకు నిర్మాతలుగా వ్యవహరిస్తున్నారు. ఈ చిత్రంలో రవీంద్ర విజయ్ - ఆన్ శీతల్ - మహతి బిక్షు - కాశిష్ ఖాన్ తదితరులు ఇతర పాత్రలు పోషించారు. ప్రస్తుతం 'సూపర్ మచ్చి' అనే కమర్షియల్ ఎంటర్టైనర్ లో నటిస్తున్న కళ్యాణ్ దేవ్ నుంచి మూడో సినిమాగా ''కిన్నెరసాని'' ప్రేక్షకుల ముందుకు రాబోతుంది. మెగా అల్లుడికి ఈ చిత్రం ఎలాంటి విజయాన్ని అందిస్తుందో చూడాలి.
