'హిట్ 2': శేష్ కోసం ఆర్యగా మారిన క్రాక్ బ్యూటీ..!

వర్సటైల్ హీరో అడివి శేష్ ప్రధాన పాత్రలో నటించిన తాజా చిత్రం ''హిట్ 2: ది సెకండ్ కేస్''. శైలేష్ కొలను ఈ క్రైమ్ ఇన్వెస్టిగేషన్ డ్రామాకు దర్శకత్వం వహిస్తున్నారు. వాల్‌ పోస్టర్ సినిమా పతాకంపై నేచురల్ స్టార్ నాని నిర్మిస్తున్నారు.

'హిట్: ది ఫస్ట్ కేస్' చిత్రానికి సీక్వెల్ గా తెరకెక్కిన ''హిట్ 2'' రిలీజ్ రెడీ అయింది. ఈ నేపథ్యంలో 'హిట్ వర్స్' పేరుతో 'యూనివర్స్ ఆఫ్ HIT' ని పరిచయం చేయడం ద్వారా మేకర్స్ మూవీ ప్రమోనషన్ ను ప్రారంభించారు.

ఎంతో ఆసక్తిగా ఎదురుచూస్తున్న ''హిట్ 2'' టీజర్ ఎల్లుండి నవంబర్ 3న రిలీజ్ కాబోతోంది. టీజర్ థ్రిల్లింగ్ గా సస్పెన్స్ బ్యాంగ్‌ తో ముగుస్తుందని మేకర్స్ హామీ ఇచ్చారు. ఇందులో భాగంగా తాజాగా హీరోయిన్ మీనాక్షి చౌదరి పాత్రను పరిచయం చేశారు.

'హిట్ 2: ది సెకండ్ కేస్' సినిమాలో ఆర్య అనే పాత్రలో మీనాక్షి చౌదరి నటిస్తున్నట్లు చిత్ర బృందం తెలిపింది. ఆమె పాత్రను వెల్లడిస్తూ ఈ సందర్భంగా రిలీజ్ చేసిన మెస్మర్సింగ్ పోస్టర్‌ ఓ మీనాక్షి అందంగా నవ్వుతూ కనిపిస్తోంది.

'ఇచ్చట వాహనములు నిలుపరాదు' అనే సినిమాతో తెలుగులో హీరోయిన్ గా పరిచయమైన అందాల భామ మీనాక్షి చౌదరి.. ఆ తర్వాత 'క్రాక్' చిత్రంలో నటించింది. ఇప్పుడు ''హిట్ 2'' మూవీతో తెలుగు ప్రేక్షకులను అలరించడానికి రెడీ అయింది.

'హిట్ 2' సినిమాలో అడివి శేష్ ఆంధ్ర ప్రదేశ్‌ లోని ఒక మిస్టరీ కేసుని పరిశోధించే కూల్ కాప్ కృష్ణ దేవ్ అలియాస్ KD అనే పాత్రలో కనిపించనున్నాడు. మీనాక్షి చౌదరి కథానాయికగా నటించింది. రావు రమేష్ - పోసాని కృష్ణ మురళి - తనికెళ్ల భరణి - శ్రీకాంత్ మాగంటి మరియు కోమలీ ప్రసాద్ ఇతర పాత్రలు పోషించారు.

జాన్ స్టీవర్ట్ ఏడూరి ఈ చిత్రానికి సంగీతం సమకూర్చారు. ఎస్ మణికందన్ సినిమాటోగ్రఫీ అందించగా.. గ్యారీ బీహెచ్ ఎడిటింగ్ వర్క్ చేశారు. ఫస్ట్ పార్ట్ కి మించి ఎంతో ఆసక్తికరంగా ఈ సీట్ ఎడ్జ్ క్రైమ్ ఇన్వెస్టిగేషన్ క్రైమ్ థ్రిల్లర్ ని తెరకెక్కించినట్లు తెలుస్తోంది.

''హిట్ - ది సెకండ్ కేస్'' చిత్రాన్ని డిసెంబర్ 2న వరల్డ్ వైడ్ గా థియేటర్లలోకి తీసుకురానున్నారు. ఇటీవల 'మేజర్' చిత్రంతో పాన్ ఇండియా స్థాయిలో సక్సెస్ అందుకున్న శేష్.. ఈసారి ఎలాంటి హిట్ అందుకుంటాడో చూడాలి.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.