హాలీవుడ్ నంబ‌ర్ -1 బ్యూటీ కొత్త టార్గెట్

హాలీవుడ్ బ్యూటీ స్కార్లెట్ జోహాన్స‌న్ గురించి ప్ర‌పంచానికి చెప్పాల్సిన ప‌నిలేదు. హాలీవుడ్ లో నంబ‌ర్ 1 పారితోషికం అందుకునే నాయిక‌గా పాపుల‌రైంది. అత్యుత్త‌మ ప్ర‌తిభ‌తో అద్భుతాలు చేయ‌గ‌లిగే న‌టిగా పేరు తెచ్చుకుంది. అయితే ఇటీవ‌ల కాలంలో ఆమె కుటుంబంలో కల‌త‌లు కార‌ణంగా స్కార్లెట్ పేరు మీడియాలో త‌రుచూ వినిపించింది. భ‌ర్త‌తో వివాదాలు కార‌ణంగా విడాకుల‌కు సిద్ద‌మైన‌ట్లు ప్ర‌చారం సాగింది. ఆ విష‌యాలు ప‌క్క‌న‌బెడితే స్కార్లెట్ జోహాన్స‌న్ `ట‌వ‌ర్ ఆఫ్ టెర్ర‌ర్` పేరుతో ఓ చిత్రాన్ని నిర్మించబోతుంది. `టాయ్ స్టోరీ -4` ద‌ర్శ‌కుడు జోష్ కూల్ ఈ చిత్రాన్ని డైరెక్ట్ చేస్తున్నారు.

ప్రస్తుతం స్క్రిప్ట్ ప‌నులు జ‌రుగుతున్నాయి. డిస్నీ కామిక్స్ క‌థ ఆధారంగా ఈ చిత్రం తెరకెక్క‌నుంది. అయితే ఇందులో స్కార్లెట్ న‌టిస్తుందా? లేక కేవ‌లం నిర్మాత‌గానే వ్య‌వ‌హ‌రిస్తుందా? అన్న‌ది క్లారిటీ లేదు. ప్ర‌స్తుతం స్కార్లెట్ నిర్మిస్తోన్న `జంగ‌ల్ క్రూయిజ్` జులై 30న రిలీజ్ కానుంది. అనంత‌రం కోత్త ప్రాజెక్ట్ ప‌ట్టాలెక్కించ‌నున్న‌ట్లు తెలుస్తోంది.

స్కార్లెట్ సొంత బ్యాన‌ర్ దిస్ పిక్చ‌ర్స్ పై ఈ చిత్రాన్ని నిర్మించ‌నుంది. అలాగే మార్వెల్ సినిమాటిక్ యూనివ‌ర్స్ లో బ్లాక్ విడో క్యారెక్ట‌ర్ ద్వారా పాపుల‌ర్ అయిన స్కార్లెట్ దీనికి సీక్వెల్లో సూప‌ర్ హీరోగాను క‌నిన‌పించ‌నుంది. అయితే బ్లాక్ విడో సినిమా రిలీజ్ తేదీని మేక‌ర్స్ ఇంకా రివీల్ చేయ‌లేదు.