వాళ్ళకి సొంత బ్యానర్ అంతగా వర్కవ్వలేదా?

తెలుగు సినిమా ఇండస్ట్రీ పెద్దలు తమకంటూ ఒక బ్యానర్ ని స్థాపించుకుని తమ వంశోద్దారకులను పరిచయం చేసుకుంటూ, అడపాదడపా చిన్న సినిమాలకు ప్రాధాన్యమిస్తూ తమకంటూ ఒక స్ట్రేచర్ ని క్రియేట్ చేసుకుంటున్నారు. విభాగంలో అన్నపూర్ణ స్టూడియోస్ - సురేష్ ప్రొడక్షన్స్ మంచి విజయాలను సాధించాయి.

వాటితో పోటి పడదగ్గ మెగా ప్రొడక్షన్ హౌస్ లు మాత్రం ఈ మధ్య కాస్త వెనకడుగు వేస్తున్నాయి . ముఖ్యంగా అల్లు అరవింద్ గీతా ఆర్ట్స్ కి అర్జున్ సినిమాలకు దోస్తీ కుదరడంలేదు. హ్యాపీ - బద్రినాధ్ సినిమాలు ఆశించిన విజయాన్ని అందించలేదు. సరైనోడు పర్వాలేదనిపించినా అనుకున్న లాభాలు రాకపోవచ్చు.

చిరు - నాగబాబుల అంజనా ప్రొడక్షన్స్ పరిస్థితి కూడా అలానే వుంది. స్టాలిన్ - ఆరెంజ్ వంటి పరాజయాలతో సొంత హీరోలకు అందించడంలో విఫలమయ్యింది. ఈ క్రమంలో కొణిదెల క్రియేషన్స్ బ్యానర్ పై చిరు నటించనున్న 150వ సినిమాని చెర్రి నిర్మిస్తుండడంతో అందరి దృష్టి దానిపైనే..