నెగిటివ్ షేడ్స్ ఉన్న పాత్రలో హాట్ బ్యూటీ..?

'Rx 100' సినిమాతో టాలీవుడ్ లో అడుగుపెట్టింది హాట్ బ్యూటీ పాయల్ రాజ్ పుత్. ఇందులో నెగెటివ్ షేడ్స్ ఉన్న పాత్రలో నటించి తన అందాలతో యువ హృదయాలను కొల్లగొట్టింది. ఈ క్రమంలో అమ్మడు క్రేజీ ఆఫర్స్ తో స్టార్ స్టేటస్ అందుకుంటుంది అనుకుంటే.. పెద్దగా ప్రాధాన్యం లేని అవకాశాలే తలుపుతట్టాయి. 'RDX 100' 'వెంకీ మామ' 'డిస్కోరాజా' వంటి సినిమాలలో నటించినా ఆమె కెరీర్ కు హెల్ప్ అవలేదు. దీంతో ఐటెమ్ సాంగ్స్ చేయడానికి కూడా రెడీ అయింది. ఇక 'అనగనగా ఓ అతిథి' అనే వెబ్ మూవీలో నటించి డిజిటల్ వరల్డ్ లో అడుగుపెట్టింది. అయితే పాయల్ రాజ్ పుత్ కు ఇప్పుడు అన్నీ నెగిటివ్ షేడ్స్ ఉన్న క్యారెక్ట‌ర్స్ మాత్రమే వస్తున్నాయని తెలుస్తోంది.

ఈ నేపథ్యంలో ప్రస్తుతం తెలుగు డిజిటల్ ఫ్లాట్ ఫార్మ్ ఆహా రూపొందిస్తున్న 'త్రీ రోజెస్' వెబ్ సిరీస్ లో పాయల్ అవకాశం దక్కించుకున్న సమాచారం. ఇటీవలే ఈ వెబ్ సిరీస్ షూటింగ్ ప్రారంభమైంది. ఇందులో ఆమెది ఓ సీరియ‌స్ పాత్ర అని అంటున్నారు. మొత్తం మీద తనకు కలిసొచ్చిన నెగిటివ్ షేడ్స్ ఉన్న పాత్రనే ఈ బ్యూటీ చేస్తున్నట్లుగా టాక్ వినిపిస్తోంది. త్వరలోనే దీనికి సంబంధించిన అధికారిక ప్రకటన వెలువడనుంది. మరి అమ్మడు సినిమాలలో ఆశించిన స్థాయిలో రాణించకపోయినా.. వెబ్ సిరీస్ లలో సత్తా చాటుతుందేమో చూడాలి. ఇకపోతే పాయల్ తమిళ్ లో ఉదయనిధి స్టాలిన్ సరసన 'ఏంజెల్' అనే హారర్ థ్రిల్లర్ లో నటిస్తోందని సమాచారం.