హౌజ్ ఫుల్ 3.. హౌజ్ ఫుల్స్ కష్టమే

హౌజ్ ఫుల్ ఈ సిరీస్ లో వస్తున్న మూడో మూవీ హౌజ్ ఫుల్3. మొదటి రెండు భాగాలు సెన్సేషనల్ విక్టరీస్ సాధించడంతో.. ఈ మూవీపై చాలానే అంచనాలు ఉన్నాయి. అక్షయ్ కుమార్, అభిషేక్ బచ్చన్, రితేష్ దేశ్ ముఖ్ లు హీరోలుగా నటించడంతో.. ఈ కామెడీ సిరీస్ పై హోప్స్ పీక్ స్టేజ్ లో పెట్టుకున్నారు ఆడియన్స్. జాక్వెలిన్ ఫెర్నాండెజ్ - లీసా హెడెన్ - నర్గీస్ ఫక్రీలు హీరోయిన్స్ కావడంతో.. గ్లామర్ డోస్ విషయంలో కూడా ఏ మాత్రం కాంప్రమైజ్ కాలేదు.

తన ముగ్గురు కూతుళ్లకు అసలు పెళ్లి చేసే సమస్య లేదనే తండ్రి పాత్రలో బొమన్ ఇరానీ నటించగా.. వాళ్లు ముగ్గురిని హీరోలు ఎలా లైన్ లో పెడతారన్నదే కాన్సెప్ట్. అయితే హౌజ్ ఫుల్3 సినిమా మాత్రం ఎక్స్ పెక్టేషన్స్ ను అందుకోవడంలో దారుణంగా ఫెయిల్ అయిందని చెప్పాలి. కామెడీ విషయంలో శృతి మించిన జోక్స్.. మరీ వల్గర్ గా ఉన్నాయంటున్నారు. 'వు ఆర్ నాట్ కిడ్డింగ్' అనే పదానికి 'మేమేం పిల్లలను తయారు చేయడం లేదు' రేంజ్ లో ట్రాన్స్ లేషన్ చేశారంటే.. జోకుల స్థాయి అర్ధమవుతుంది.

అడపా దడపా పేలే జోక్స్ మినహాయిస్తే.. మిగతా అంతా యాక్టర్ల హంగామా తప్ప సినిమాలో కంప్లీట్ గా డిజప్పాయింట్ చేసేసిందని ఆడియన్స్ అంటున్నారు. ముగ్గురు హీరోలు చక్కని టైమింగ్ తో కామెడీ చేయగల సత్తా ఉన్నవారే అయినా.. ఎక్కడా వీరిని కంప్లీట్ చేసుకున్న సందర్భం కనిపించలేదనే టాక్ వినిపిస్తోంది. జాకీష్రాఫ్, బొమన్ ఇరానీ లాంటి సీనియర్ల కేరక్టర్లు కూడా పండకపోవడం ఆశ్చర్యకరమే.