చిట్టీ సినీ కెరీర్ ఎలా న‌డుస్తుందో..?

'నక్షత్ర' అనే వెబ్‌ సిరీస్‌ లో నటించిన హైదరాబాద్‌ అమ్మాయైన ఫరియా అబ్దుల్లా.. డైరెక్టర్ నాగ్ అశ్విన్ దృష్టిలో పడి సినిమా ఛాన్స్ కొట్టేసింది. 'జాతిరత్నాలు' సినిమాతో టాలీవుడ్ లో హీరోయిన్ గా అడుగుపెట్టిందీ పొడుగుకాళ్ళ సుందరి. 'చిట్టి' పాత్రలో మెప్పించిన ఈ టవర్ బ్యూటీ.. ఫస్ట్ సినిమాతోనే మంచి క్రేజ్ అందుకుంది. ఈ క్రమంలో అమ్మడికి మంచి క్రేజీ ఆఫ‌ర్లు వ‌స్తాయ‌ని అంతా అనుకున్నారు. అయితే ఎందుక‌నో ఈ బ్యూటీని ఎవ‌రూ పెద్దగా ప‌ట్టించుకోవడం లేదని ఫిలిం సర్కిల్స్ లో డిస్కషన్ జరుగుతోంది.

తొలి సినిమాతో కుర్రకారుని తనవైపు తిప్పుకున్న ఫారియా అబ్దుల్లా.. ఇప్పుడు వ‌చ్చిన అవ‌కాశాన్నే స‌ద్వినియోగం చేసుకోవ‌డానికి ట్రై చేస్తోంది. లేటెస్టుగా ఈ బ్యూటీ అగ్ర దర్శకుడు డైరెక్ట్ చేయబోయే ఓ సినిమాకి సైన్ చేసిందని తెలుస్తోంది. అయితే ఇక్క‌డే ఫరియా కెరీర్ కి అస‌లు చిక్కొచ్చి ప‌డ‌నుందని కామెంట్స్ వస్తున్నాయి. దీనికి కారణం ఆమె కమిటైన సినిమా టాలీవుడ్ లో ఓ పెద్ద ఫ్యామిలీకి చెందిన హీరోతో కావడమేనని అంటున్నారు.

సదరు ఫ్యామిలీ హీరోల‌తో సినిమాలు చేసిన హీరోయిన్ల‌కి ఆ త‌రువాత పెద్ద‌గా సినిమాలు రావనే యాంటీ సెంటిమెంట్ ఇండ‌స్ట్రీలో బాగా న‌డుస్తోంది. సినిమా హిట్ ప్లాప్ అనేది పక్కన పెడితే.. ఆ హీరోయిన్లు తదుపరి ఆఫర్ కోసం చాన్నాళ్లు ఎదురు చూడాల్సిందేనని అంటుంటారు. ఇప్పుడు అలాంటి ఫ్యామిలీ హీరోతో ఫరియా సినిమా చేస్తోంది. మరి దీంతో హైట్ బ్యూటీ కెరీర్ ఎలా న‌డుస్తుందో అనే ప్ర‌శ్న‌లు ఇప్పుడు సినీ వర్గాల్లో వినిపిస్తున్నాయి.