రిలీజ్ కు ముందే టాక్ అదిరిపోయింది

బాలీవుడ్ సూపర్ స్టార్ హృతిక్ రోషన్ నటించిన కాబిల్ మూవీ థియేటర్లలోకి వచ్చేసింది. జనాల నుంచి వస్తున్న మౌత్ టాక్ కాబిల్ కు ప్లస్ పాయింట్ కానుంది. హృతిక్ కెరీర్ లో బెస్ట్ అనిపించుకునే సినిమాల్లో ఇది ఒకటి అనే మాట వినిపిస్తోంది. ఈ టాక్ తో సెన్సేషనల్ కలెక్షన్స్ వసూలు చేస్తుందనే అంచనాలు ఏర్పడ్డాయి. నిజానికి కాబిల్ మూవీకి రిలీజ్ కంటే ముందే బ్లాక్ బస్టర్ టాక్ వచ్చింది.

దీనికి కారణం.. మూవీ యూనిట్ అనుసరించిన స్ట్రాటజీ. గత నెలలో వచ్చిన దంగల్ చిత్రాన్ని.. ముందు నుంచే సెలబ్రిటీలకో స్పెషల్ ప్రివ్యూలు వేసి ఆకట్టుకున్నారు. ఇప్పుడు కాబిల్ విషయంలో కూడా ఇదే జరిగింది. సినిమా ఇండస్ట్రీతో పాటు పలు రంగాల్లోని ప్రముఖులకు స్పెషల్ స్క్రీనింగ్ చేశారు. వారంతా సినిమాను అద్భుతం అని పొగడ్తల్లో ముచెత్తారు. రిషి కపూర్.. అనిల్ కపూర్. అక్షయ్ కుమార్.. రేఖ.. ట్వింకిల్ ఖన్నా.. సోనమ్ కపూర్.. ఇలా కాబిల్ చూసిన ప్రతీ ఒక్కరు హృతిక్ నటనను విపరీతంగా పొగిడేశారు.

దీంతో మూవీపై ముందు నుంచే పాజిటివ్ బజ్ ఏర్పడింది. ఇప్పుడా ఎఫెక్ట్ రిలీజ్ తర్వాత కూడా కనిపిస్తోంది. సినిమాకు రివ్యూలు కూడా పాజిటివ్ గా ఉండడం.. మౌత్ టాక్ బాగుండడంతో.. కాబిల్ బ్లాక్ బస్టర్ గా నిలవడం ఖాయంగా కనిపిస్తోంది. గతేడాది మొహెంజొదారో ఫ్లాప్ తో ఇబ్బంది పడ్డ హృతిక్ కి ఇది ఊరటనిచ్చే విజయం.


Like Us on Facebook : https://www.facebook.com/Tupakidotcom/