కొత్త ప్రియురాలితో గ్రీకువీరుడి లాంగ్ డ్రైవ్

కొత్త ప్రియురాలు సాబా ఆజాద్ తో గ్రీకువీరుడు హృతిక్ రోష‌న్ షికార్లు హాట్ టాపిక్ గా మారుతున్నాయి. ఈ జంట ప‌బ్లిక్ రొమాన్స్ చాలా నెలలుగా హెడ్ లైన్స్ లో నిలుస్తోంది. ఈ సంవత్సరం ప్రారంభంలో ముంబై బాంద్రాలో తొలిసారి కలిసి కనిపించినప్పుడు వారి రిలేష‌న్ షిప్ పై ర‌క‌ర‌కాల పుకార్లు పుట్టాయి. ఇంత‌లోనే సోషల్ మీడియాలో ఈ జంట ల‌వ్- రొమాన్స్ కి సంబంధించిన‌ వ్య‌వ‌హారం వెలుగులోకి వచ్చింది. అటుపై  అభిమానులు సామాజిక మాధ్య‌మాల్లో దీని గురించి సెర్చ్ చేయ‌డం మొద‌లు పెట్టారు.

అటుపై గోవా షికార్ ముగించి ముంబై ఎయిర్ పోర్టులో చేయి చేయి వేసుకుని మ‌రీ ఈ జోడీ కనిపించారు. మేలో ఈ జంట కరణ్ జోహార్ 50వ పుట్టినరోజు వేడుకలోనూ గ్రాండ్ ఎంట్రీ ఇచ్చారు. ఇప్పుడు వారు ఫ్రాన్స్ లో రొమాంటిగ్గా త‌మ‌ సమయాన్ని గడుపుతున్నారు.

హృతిక్ రోషన్- సబా ఆజాద్ ఫ్రాన్స్ విహారం నుంచి కొన్ని ఫోటోలు వైర‌ల్ గా మారాయి. కొన్ని గంటల క్రితం సబా తన ఇన్ స్టాగ్రామ్ లో ఒక వీడియోను షేర్ చేసింది. త‌ను ఓపెన్-బానెట్ కార్ సీటులో కూర్చుని ఉండ‌గా.. ఫ్రాన్స్ లోని సుందరమైన దృశ్యాలను ఫోటోలు తీసింది.  ఓపెన్-బానెట్ కారులో జంట షికార్లు క‌చ్చితంగా వీక్ష‌కుల‌కు గొప్ప అనుభూతులను అందిస్తాయి. కారు నడుపుతున్న హృతిక్ వైపు కూడా సబా తన కెమెరాను తిప్పింది. అయితే అత‌డు తన ముఖాన్ని దాచేసాడు.

దానివ‌ల్ల అది అతనే అని మనకు ఎలా తెలుస్తుంది? కానీ హృతిక్ ఎప్ప‌టిలానే సాధార‌ణ‌మైన‌ నల్లటి ఉంగరాన్నే వేలికి వేసుకుని క‌నిపించ‌డంతో అభిమానులు క‌నిపెట్టేసారు. ఇదేకాదు.. ఇటీవల సబా పారిస్ నుండి తన ఫోటోను షేర్ చేసింది. అది హృతిక్ క్లిక్ చేసిన‌ది.

కెరీర్ మ్యార్ కి వ‌స్తే.. హృతిక్ - సబా ఇద్దరూ రెండు ఆసక్తికరమైన ప్రాజెక్ట్ ల్లో న‌టిస్తున్నారు.  హృతిక్ త‌దుప‌రి సైఫ్ అలీ ఖాన్ తో కలిసి విక్రమ్ వేద చిత్రంలో కనిపించనున్నారు. తమిళ చిత్రం హిందీ రీమేక్ కు సంబంధించిన షూటింగ్ ను హృతిక్ ఇటీవలే ముగించారు. ఇదే కాకుండా దీపికా పదుకొనేతో అత‌డు ఫైటర్ లోనూ న‌టిస్తున్నాడు. ఈ భారీ ఏరియల్ యాక్షన్ మూవీకి సిద్ధార్థ్ ఆనంద్ దర్శకత్వం వహిస్తున్నారు.

మరోవైపు సబా ఆజాద్ చివరిసారిగా 'ది రాకెట్ బాయ్స్' లో కనిపించింది. ఆమె తర్వాత 'మినిమమ్‌'లో కనిపించనుంది. నటిగానే  కాకుండా సబా సంగీతంలోనూ రాణిస్తోంది. మాడ్ బాయ్ మింక్ అనే బ్యాండ్ లో సాబా కూడా ప‌ని చేస్తోంది.