అన్నీ ఫిర్యాదులేనా వివాదాల రాజా

బాలీవుడ్ స్టార్ డైరెక్ట‌ర్ కం ప్రొడ్యూస‌ర్ సంజ‌య్ గుప్తా పేరు మార్మోగిపోతోందిప్పుడు. ఇత‌గాడు కాంట్రాక్టుని ఉల్లంఘించాడు అంటూ ఒక‌రు, అస‌లు ఇచ్చిన మాట మీద నిల‌బ‌డ‌డు అంటూ మొర‌క‌రు, ఒప్పందాల్ని భేఖాత‌రు చేస్తాడంటూ ఇంకొక‌రు, నా స్క్రిప్టు కాపీ కొట్టేశాడంటూ వేరొక‌రు .. ఇప్ప‌టికే ఇండియ‌న్ ఫిలిం అండ్ టెలివిజ‌న్ ప్రొడ్యూస‌ర్స్ కౌన్సిల్ (ఐఎఫ్‌ టిపిసి)లో ఫిర్యాదులు చేశారు.

సంజ‌య్ గుప్తా పెద్ద ఫ్రాడ్ .. అత‌డితో క‌లిసి ప‌నిచేయ‌డం అంటే ప్ర‌మాద‌మే అంటూ అంద‌రూ విరుచుకుప‌డుతున్నారు. సుభాన్షు పాండే అనే మోడ‌ల్ కం రైట‌ర్ సంజ‌య్ గుప్తా రాకేష్‌ రోష‌న్‌ తో క‌లిసి నిర్మిస్తున్న త‌దుప‌రి చిత్రం విష‌యంలో త‌న‌కి అన్యాయం చేశారంటూ ఇప్ప‌టికే నిర్మాత‌ల మండ‌లిలో ఫిర్యాదు చేశారు. హృతిక్ రోష‌న్ సినిమాకి క‌థ ఇచ్చింది నేనే. స‌హ‌నిర్మాత‌గా క్రెడిట్స్ వేస్తాన‌ని మాట త‌ప్పారంటూ గుప్తాపై ఫిర్యాడు చేశాడు. అలాగే జాన్ అబ్ర‌హాంకి గ‌తంలో సంజ‌య్ గుప్తా షాకిచ్చార‌న్న బ్యాడ్ టాక్ ఉంది. షూటౌట్ ఎట్ వ‌డాలా .. త‌ర్వాత వ‌రుస‌గా త‌న‌తో సినిమాలు చేస్తాడంటూ జాన్ గురించి వ్యాఖ్యానించి షాకిచ్చాడు. అలాగే సంజ‌య్ ద‌త్‌ తో సినిమా చేస్తున్నా అంటూ ప్ర‌క‌టించిన ఉమేష్ శుక్లాకి షాకిస్తూ ముందుగా సంజూ భాయ్ సినిమా నాతోనే ఉంటుంది అంటూ గుప్తా ప్ర‌క‌టించ‌డం పెను వివాదానికి దారి తీసింది.

త‌ను వెడ్స్ మ‌ను నిర్మాత వినోద్ బ‌చ్చ‌న్‌ తోనూ సంజ‌య్ గుప్తాకి వివాదం ఉంది. 50ల‌క్ష‌లు అడ్వాన్స్ ఇచ్చాను త‌న‌తో సినిమా చేయ‌డానికి అంటూ వినోద్ అంద‌రితో చెప్పుకుని వేద‌న చెందారు. అయితే అందుకు ప్ర‌తిగా అత‌డిని ఇబ్బందుల్లో పెడుతూ ఎక్స్‌ టార్ష‌న్ కేసు పెట్టాడు గుప్తా. జ‌జ్బా సినిమా కోస‌మే ఆ 50 ల‌క్ష‌లు తీసుకున్నాన‌ని సంజ‌య్ గుప్తా చెప్పుకోవ‌డం పెద్ద చ‌ర్చ‌కు దారి తీసింది. ఇలా ప‌రిశీలిస్తే ఇప్ప‌టికిప్పుడు ఈయ‌న ఓ కాంట్ర‌వ‌ర్శియ‌ల్ రాజాగా బాలీవుడ్‌ లో పాపుల‌ర్ అయ్యారు. ఏ పుట్ట‌లో ఏ పాముందో ఎవ‌రికి ఎరుక‌? ఏది నిజం? ఏది అబ‌ద్ధం?

ఇకపోతే సంజయ్‌ గుప్తా ఏమి సినిమాలు తీశాడబ్బా అంటే.. కాంటే, ముసాఫిర్‌, షూటవుట్‌ ఎట్‌ వదాలా.. మొన్ననే ఐష్‌ రీ ఎంట్రీ సినిమా జజ్బా ఈయన తీశాడు. అది సంగతి.